Na miažy Hrecyi i Ałbanii znajšli samaje vialikaje ŭ śviecie pavucińnie
U Siernaj piačory na miažy Hrecyi i Ałbanii daśledčyki znajšli hihanckaje pavucińnie płoščaj kala 106 kvadratnych mietraŭ — heta samaje vialikaje viadomaje pavucińnie na Ziamli. Jak paviedamlajecca ŭ navukovym časopisie Subterranean Biology, jaho stvaryli bolš za 111 tysiač pavukoŭ.
Heta nie sucelnaja sietka, a niby «pakryvała» z tysiač drobnych učastkaŭ, źviazanych pamiž saboj. U pavucińni navukoŭcy naličyli kala 69 tysiač pavukoŭ vidu Tegenaria domestica i prykładna 42 tysiačy Prinerigone vagans.
Adkryćcio ŭpieršyniu paćvierdziła, što hetyja dva vidy mohuć žyć kałonijaj, a nie asobna. Pavuki palujuć na drobnych mošak, jakija kormiacca mikrobnymi bijaplonkami. Heta abviarhaje raniejšyja zdahadki, što Tegenaria domestica nibyta źjadajuć Prinerigone vagans.
Daśledavańnie hienietyčnych i mikrabijałahičnych asablivaściaŭ pakazała, što piačornyja pavuki adroźnivajucca ad tych, jakija žyvuć na pavierchni: u ich mienš raznastajnaja kišečnaja fłora, a DNK śviedčyć pra prystasavańnie da žyćcia ŭ viečnaj ciemry i siernistaj atmaśfiery.
Unikalnaja ekasistema Siernaj piačory isnuje dziakujučy ciopłym taksičnym patokam (kala 26°C) z nasyčanaj sieravadarodam vadoj (pach tuchłych jajek), stvarajučy asablivaje asiarodździe dla pavukoŭ i inšych istot.
Buraja hijena, alpijski kaziaroh, embryjon nasaroha. U Vialikabrytanii padviali vyniki konkursu na najlepšyja foty dzikaj pryrody
U Minsku znajšli na vulicy niezvyčajnaha pavuka
Ad Antarktydy adkałoŭsia vielizarny ajśbierh. Navukoŭcaŭ uraziła, što akazałasia pad im
U Indaniezii žyvuć sijamskija «bliźniaty-pavuki»
Kamientary