Śviet88

ZŠA i Brytanija nanieśli ŭdar pa Jemienie

Heta adpłata za napady na karabli ŭ Čyrvonym mory.

UK Mod

Avijacyja i bajavyja karabli ZŠA i Vialikabrytanii ŭ noč na piatnicu nanieśli ŭdary pa vajennych abjektach hrupoŭki chusitaŭ u Jemienie, jakija pry padtrymcy Irana ŭ apošnija paŭtara miesiaca razharnuli palavańnie na handlovyja sudny ŭ Čyrvonym mory, piša Bi-bi-si.

Zhodna z zajavami jak samich chusitaŭ, tak i amierykanskich i brytanskich krynic, udary naniesienyja pierš za ŭsio pa aeradromach, adkul, jak miarkuje raźviedka sajuźnikaŭ, zapuskalisia rakiety i drony, a taksama pa składach zbroi i radarach.

Pavodle słoŭ surazmoŭcaŭ ahienctva Reuters u administracyi ZŠA, udary nanieśli samaloty, karabli i padvodnaja łodka. CNN paviedamiła sa spasyłkaj na ananimnaha pradstaŭnika ŭładaŭ ZŠA, što ŭžyvalisia ŭ tym liku i kryłatyja rakiety Tomahawk.

Pradstaŭniki jemienskich chusitaŭ nazvali niekalki abjektaŭ, pa jakich ZŠA i Brytanija nanieśli ŭdary. Telekampanija CNN źviała hetyja abjekty ŭ karotki śpis. U jaho ŭvajšli

  • vajskovaja baza Kachłan u pravincyi Saada;
  • avijabaza Al-Dajłami na poŭnač ad stalicy Jemiena Sany;
  • rajon aeraporta horada Chudajda na Čyrvonym mory;
  • aeraport horada Taiz i inšyja abjekty ŭ pravincyi Taiz u paŭdniova-zachodnim kucie Jemiena;
  • aeradrom horada Abs.

Brytanskija karaleŭskija pavietranyja siły abviaścili, što ich samaloty nanieśli ŭdary pa dźviuch celach, i adnoj ź ich byŭ aeradrom kala Absa. Pavodle źviestak raźviedki, ź jaho chusity zapuskali kryłatyja rakiety i drony.

Druhoj cellu byŭ kompleks u Bani, ź jakoha, pavodle źviestak raźviedki, zapuskalisia vyviedvalnyja i ŭdarnyja drony.

U pres-relizie pavietranych sił Brytanii havorycca, što ŭ nalocie na Jemien udzielničali čatyry ich samaloty Typhoon, jakija dalacieli z bazy na Kipry z dazapraŭkaj u pavietry. Udary jany nanieśli bombami Paveway IV sa spadarožnikavym i łaziernym naviadzieńni.

Adrazu paśla ŭdaraŭ z zajavami vystupili adnačasova prezident ZŠA Džo Bajden i premjer-ministr Vialikabrytanii Ryšy Sunak.

Bajden skazaŭ, što heta byŭ adkaz na napady chusitaŭ na handlovyja sudny ŭ Čyrvonym mory i što ZŠA z sajuźnikami biez vahańniaŭ naniasuć novyja ŭdary, kali jany spatrebiacca.

Ryšy Sunak zajaviŭ, što z punkta hledžańnia Brytanii ŭdar pa chusitach byŭ samaabaronaj.

«U apošnija miesiacy chusickaje apałčeńnie praviało šerah niebiaśpiečnych napadaŭ na handlovaje sudnachodstva ŭ Čyrvonym mory, stvaryŭšy pahrozu dla brytanskich i inšych zamiežnych sudoŭ», — skazaŭ Sunak.

«Tamu my razam sa Złučanymi Štatami pry nievajennaj padtrymcy Niderłandaŭ, Kanady i Bachrejna raspačali abmiežavanyja, nieabchodnyja i suraźmiernyja dziejańni ŭ paradku samaabarony», — zajaviŭ brytanski premjer.

Sunak zapeŭniŭ, što brytanskija karabli praciahnuć patrulavać Čyrvonaje mora ŭ składzie misii Operation Prosperity Guardian, achoŭvajučy handlovyja sudny, i zaklikaŭ chusitaŭ spynić napady na ich.

Vajaŭničyja zajavy chusitaŭ

«Usie datyčnyja zapłaciać za heta. My nie spynim atak, pakul vy nie sydziecie z rehijona, i my nie spynimsia taptać vas, pakul nie ŭbačym vas prynižanymi. Jemien ciapier daść Brytanii i Amierycy ŭrok na mory», — napisaŭ u Ch siabar vajskovaha kiraŭnictva chusitaŭ hienierał-major Džachaf Abdułsałam.

Krychu paźniej Abdułsałam abviaściŭ, što chusity nanieśli ŭdary ŭ adkaz pa karablach ZŠA i Brytanii ŭ Čyrvonym mory. Paćvierdžańniaŭ abo abviaržeńniaŭ z boku sajuźnikaŭ na ranicu piatnicy jašče nie było.

«Usie pahrozy amierykancaŭ i brytancaŭ nas nie spałochali i nie spałochajuć, i nie prymusiać nas admovicca ad vykanańnia našaha abaviazku — padtrymki našych bratoŭ u Hazie, — napisaŭ u sacsietkach pierad udaram inšy siabar kiraŭnictva chusitaŭ Abdułkader al-Martada. — Jany, chutčej, umacujuć našu vieru i našu ŭpeŭnienaść u pravilnaści našaj pazicyi i pravacie našaj spravy».

Rasija paśla ŭdaraŭ pa chusitach padała zapyt ab terminovym pasiadžeńni Rady Biaśpieki AAN 12 studzienia.

Kamientary8

  • Supovoj pakietik
    12.01.2024
    Nu-nu, davajtie, poddierživajtie "bratciev" v Azie. Vo vsiem. I jeŝie mohiłu s nimi razdiełItie (jeśli u nich, koniečno, budiet imienno opriedielennym obrazom oformlennaja mohiła, kakovoj čiesti udostaivajutsia siehodnia kuda kak niemnohije bandity).
  • Mafkees
    12.01.2024
    Pravilno mołodcy. Prijatno vidieť političieskuju riešitielnosť. Vot by jeŝie s bunkiernym oparyšiem nakoniec načali siebia viesti kak eto toho podobajet.
  • Uho
    12.01.2024
    Čto takoje chusit?
    Strannyj mužičok v nočnoj soročkie i šlepkach, s nožom krivulkoj na pojasie.
    A i tie kuźkinu mať chotiat pokazať britanii v vojnie na morie.
    Na morie, karł!
    Čto to sdochło v etom lesie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj

Usie naviny →
Usie naviny

Vosiem azijackich sousaŭ, jakija varta mieć na kuchni2

19-hadovy maskvič na BMW lichačyŭ u daždžlivym Minsku i ŭlacieŭ u słup VIDEA4

Pajšoŭ u bankructva restaran, jaki naležaŭ siamji Zinhmana. Daŭhoŭ bolš čym na miljon dalaraŭ, a majomaści na 389 rubloŭ3

Amierykanski «Forbs» vyjšaŭ ź biełarusam na vokładcy12

Školnyja padručniki pa sacyjalna-humanitarnym cykle recenzuje BPC11

Upakoŭki fastfudu i staryja tefłonavyja patelni — strašennaja pahroza. Ale ŭ Biełarusi ich nijak nie ŭtylizujuć. Jak bierahčysia?2

Štadleraŭskija ciahniki znoŭ vymušana mianiajuć na savieckija14

Piłot Lufthansa straciŭ prytomnaść u pavietry. Samalot 10 chvilin lacieŭ biez kiravańnia6

Tramp paviedamiŭ, što ŭ paniadziełak budzie havaryć z Pucinym17

bolš čytanych navin
bolš łajkanych navin

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić