VIDEA: dźvie BMP «Bredli» raźbili rasijski tank, jaki Pucin nazyvaŭ najlepšym na śviecie
U bai kala siała Stepavaje dźvie Bradley raźbili samy sučasny rasijski tank T-90M «Praryŭ».
U sacyjalnych sietkach źjaviłasia videa momantu boju, jaki adbyŭsia 11 studzienia hetaha hoda ŭ rajonie siała Stepavaje pad Aŭdziejeŭkaj. Na im vidać, jak pa rasijskim tanku T-90M viadziecca niaspynny ahoń.
Rasijski tank trapiŭ u zasadu, ź jakoj nie zmoh vyjści. Boj vioŭsia na praciahu 8 chvilin. Tank abstrelvali z 25-milimietrovych harmat Bradley 47-j asobnaj miechanizavanaj bryhady Uzbrojenych sił Ukrainy.
Miarkujučy pa videa, spačatku ŭ boj ustupiła pieršaja Bradley. Jana paškodziła matorna-tranśmisijnaje adździaleńnie T-90M i chutka źjechała. Potym na tanku zdetanavała sistema ŭstanoŭki pieraškod. A za niejki čas na pazicyju vyjechała druhaja Bradley. Jana praciahnuła stralać pa tanku, nie dajučy jamu pakinuć svaju łakacyju.
Bradley IFV of the 47th Brigade of Ukraine engages in a battle with Russian T-90M, Avdiivka front. (Bradley is in foreground while T-90M is in the middle of the village). At the end of the video it's visible that tank most likely received significant damage as the crew cannot… pic.twitter.com/uutTexfXf5
Videa boju. Paskorana ŭ 5 razoŭ. Krynica: bayraktar_1love / Ch (Twitter)
Spačatku ekipaž tanka sprabavaŭ prycelicca, ale optyka i naviasnoje abstalavańnie byli raźbityja. Byŭ vyviedzieny z ładu i miechanizm pavarotu viežy. U vyniku jana pačała varočacca bieź pierapynku i stralać va ŭsie baki.
Ekipaž straciŭ aryjencir, miechanik nie bačyŭ, kudy jechać, i tank u vyniku ŭrezaŭsia ŭ dreva i spyniŭsia. Ekipaž zdoleŭ pakinuć tank, a praź niekatory čas mašynu kančatkova dabiŭ dron-kamikadze FPV.
Jak piša vajskovy analityk Devid Eks (David Axe), BMP Bradley nie tank, i na papiery jon ni ŭ jakim razie nie moža supraćstajać najnoŭšamu T-90. Ale z kroplaj fartu i vialikim majsterstvam ekipažu heta 30-tonnaja mašyna ź jaje 25-milimietrovaj puškaj moža być lepšaja za sučasny 51-tonny rasijski tank ź jaho 125-milimietrovaj puškaj i sotniami milimietraŭ kampazitnaj brani.
Uładzimir Pucin nazyvaŭ tank «Praryŭ» najlepšym u śviecie.
Čytajcie jašče:
Minabarony Ukrainy pakazała amierykanski «Bredli», źniščany «Hradam». I voś što ździŭlaje
Ekśpiert patłumačyŭ, što lepšaje: rasijskija BMP ci «Bredli»
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat3
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1818
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju18
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary