Litva abvinavaciła biełaruskich pamiežnikaŭ u niezakonnym parušeńni miažy na dva z pałovaj mietry
Incydent adbyŭsia ŭ rajonie zastavy Puškas.
U aŭtorak Słužba achovy dziaržaŭnaj miažy Litvy (SAMDŁ) paviedamiła, što napiaredadni ŭ Ihnalinskim rajonie troje ŭzbrojenych biełaruskich pamiežnikaŭ zajšli na terytoryju Litvy na adlehłaść dvuch z pałovaj mietraŭ, paviedamlaje LRT. Incydent adbyŭsia ŭ rajonie zastavy Puškas.
Pa danych Słužby achovy kraja, padyšoŭšy da fizičnaha barjera na litoŭskim baku, jany paviarnuli nazad. Słužba śćviardžaje, što za tym, što adbyvajecca, nazirali i kantralavali heta litoŭskija pamiežniki, jakija byli hatovyja adreahavać.
Paviedamlajecca, što biełaruskija słužbovyja asoby išli ŭzdoŭž miažy pa svajoj zaśniežanaj terytoryi ŭ rajonie vioski Vajciški Ihnalinskaha rajona Litvy. Biełarusy, pad nahladam litoŭskich pamiežnikaŭ praz kamiery, padyšli da razburanaha patrulnaha mosta, zasypanaha śnieham na ich baku, raźviarnulisia i pierasiekli liniju miažy.
«Paśla zachodu na litoŭski bok biełarusy pačali chadzić pamiž ustanoŭlenym fizičnym barjeram, jaki pieraškadžaje dalejšamu dostupu ŭhłyb Litvy, i linijaj miažy. Da hetaha miesca nieadkładna byli vyklikanyja siły pamiežnikaŭ zastavy Puškas, ale pakolki incydent nie atrymaŭ raźvićcia, u ich umiašańni nie było nieabchodnaści», — havorycca ŭ paviedamleńni SADMŁ.
Ciapier čytajuć
Łukašenku pasadzili na Paradzie ŭ Maskvie z Pašynianam, a Si Czińpina z Pucinym30
Łukašenku pasadzili na Paradzie ŭ Maskvie z Pašynianam, a Si Czińpina z Pucinym
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary