Hienprakuror Švied nakiravaŭ u Viarchoŭny sud zajavu ab pryznańni Jeŭrapiejskaha humanitarnaha ŭniviersiteta «ekstremisckaj arhanizacyjaj».
«EHU, pazicyjanujučy siabie ŭ jakaści biełaruskaj VNU ŭ vyhnańni, pravodzić metanakiravanuju rabotu pa destabilizacyi sacyjalna-palityčnaj abstanoŭki ŭ krainie, akazvaje mietadyčnuju, arhanizacyjnuju i finansavuju dapamohu pradstaŭnikam radykalna palityzavanych hrupovak i vykarystoŭvajecca śpiecyjalnymi słužbami niekatorych sumiežnych dziaržaŭ dla naniasieńnia škody intaresam Biełarusi.
Mety, jakija dekłarujucca, — padrychtoŭka biełaruskaj moładzi da realizacyi zachodnich scenaryjaŭ transfarmacyi palityčnaj sistemy ŭ Biełarusi, prasoŭvańnie «alternatyŭnych» traktovak histaryčnych, kulturnych i inšych padziej, tak zvanych demakratyčnych kaštoŭnaściaŭ, idej «jeŭrapiejskaści», — havorycca ŭ zajavie.
Varta adznačyć, što arhanizacyja — heta nie ekstremisckaje farmavańnie, a miakčejšy varyjant. Niama kryminalnaj adkaznaści za ŭzajemadziejańnie ź im.
Raniej sacsietki EHU byli pryznanyja ekstremisckimi.
Jeŭrapiejski humanitarny ŭniviersitet pracuje ŭ Vilni z 2004 hoda paśla zakryćcia ŭ Biełarusi. U im vučycca bolš za 1000 studentaŭ, hałoŭnym čynam biełarusaŭ.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja30
Kamientary