Viadoŭca Fox News prapanavaŭ zabivać injekcyjami biazdomnych ź psichičnymi zachvorvańniami. Daviałosia vybačacca
«Prosta zabić ich» — takija słovy prahučali ŭ efiry kanała, kali viadoŭcy abmiarkoŭvali hučnaje zabojstva ŭkrainki Iryny Zaruckaj.
U sieradu ŭ prahramie Fox & Friends viadoŭca Brajan Kiłmid razam ź inšym viadoŭcami, Łoŭrensam Džonsam i Ejnśli Erchart, abmiarkoŭvaŭ zabojstva Iryny Zaruckaj, zarezanaj 22 žniŭnia ŭ hramadskim transparcie ŭ Paŭnočnaj Karalinie.
Pa abvinavačańni ŭ zabojstvie byŭ aryštavany biazdomny mužčyna ź psichičnymi razładami — Dekartas Braŭn-małodšy. Vypadak vyklikaŭ vialiki rozhałas na Fox paśla publikacyi videa napadu z kamier nazirańnia.
U efiry Džons kazaŭ pra dziaržaŭnyja vydatki na dapamohu biazdomnym i prapanavaŭ sadžać u turmu tych, chto admaŭlajecca ad prapanavanych pasłuh. Kiłmid dadaŭ:
«Ci prymusovaja śmiarotnaja injekcyja, ci niešta padobnaje. Prosta zabić ich».
«Čamu ŭsio pavinna było dajści da hetaha?» - umiašałasia Erchart.
Na što Kiłmid adkazaŭ: «Ja skažu tak — my prosta vybirajem nie tych ludziej».
Zajava Brajana Kiłmida atrymała šyroki rozhałas u sacyjalnych sietkach. Jon byŭ vymušany prasić prabačeńnia za toje, što ŭ efiry padtrymaŭ ideju pakarańnia śmierciu biazdomnych ź psichičnymi zachvorvańniami. Jon nazvaŭ svajo vykazvańnie «nadzvyčaj biessardečnym».
Kamientary
Pravilna, mańjaki-zabojcy pavinny być na voli.
Im dastatkova vyvučyć 1 frazu: "iana nazvała mianie niehram" - i nijakaj adkaznaści ŭ žyćci bolš niama. Heta ŭsio hałasy.