Biełaruskim zdraŭnicam prapanujuć učastki na akupavanym Rasijaj marskim uźbiarežžy Ukrainy
Kiraŭnik rasijskaj administracyi Chiersonskaj vobłaści Uładzimir Salda zajaviŭ pra hatoŭnaść raźvivać turystyčny kłastar razam ź Biełaruśsiu.
«Chiersonskaja vobłaść — heta bolš za 350 kiłamietraŭ Čornaha mora i kala 200 — Azoŭskaha. Heta ŭnikalnaja terytoryja dla stvareńnia turystyčnaha kłastara. My zacikaŭlenyja raźvivać jaho sumiesna. Sa svajho boku my płanujem pieradać Biełarusi peŭnyja ŭčastki marskoha ŭźbiarežža dla budaŭnictva sanatoryjaŭ, baz adpačynku», — paviedamiŭ Salda vydańniu Sputnik Biełaruś.
Chiersonskuju vobłaść rasijskija akupacyjnyja struktury pradstaŭlajuć jak najbolš karotki maršrut ź Biełarusi ŭ Krym. U suviazi z budaŭnictvam novych daroh jany nazyvajuć pierśpiektyŭnymi prajekty, źviazanyja z arhanizacyjaj kiempinhaŭ i raźvićciom prydarožnaj infrastruktury.
Kamientary
Zamiest kak prapanavać partovyja terminały, prapanujuć budavać kurorty Paŭnočnaha Kipra