Dziaŭčyna vyrašyła prymierać słuchaŭki, a krama joj admoviła. Chto maje racyju?
U redakcyju Onliner.by źviarnułasia čytačka, jakaja chacieła kupić biazdrotavyja słuchaŭki, ale ŭsio pajšło nie pa płanie.
Taćciana razhladała madeli ad 170 rubloŭ, chacieła prymierać ich pierad tym, jak kupić. Kaža, što joj składana padabrać taki hadžet z-za asablivaściaŭ vušnoj rakaviny. Ale ŭ kramie nie dazvolili prymierać, spasłaŭšysia na hihijenu.
Čytačka spytała pradaŭca: što rabić, kali nabytyja nie padyduć? Toj admoviŭ u viartańni sa spasyłkaj na toje, što heta składany techničny tavar. Žurnalisty vyrašyli vyśvietlić, chto tut maje racyju: pakupnik abo krama?
Situacyju kamientuje Hanna Kavalova, juryskonsult hramadskaj arhanizacyi «Rehijanalnaje tavarystva abarony spažyŭcoŭ»:
— Zakanadaŭstva nie ŭtrymlivaje zabarony na prymierku słuchavak, adnak ciapier pradaviec maje prava samastojna ŭstanavić paradak prodažu tavaraŭ, u tym liku abmiežavańnie na prymierku słuchavak praź mierkavańni hihijeny z pryčyny charaktaru tavaru.
Voś što kaža zakon:
Artykuł 11 Zakona «Ab abaronie pravoŭ spažyŭcoŭ»: pakupnik maje prava na pravierku jakaści tavaru i kamplektnaści, demanstracyi pracazdolnaści tavaru ŭ svajoj prysutnaści.
Punkt 3 praviłaŭ prodažu asobnych vidaŭ tavaraŭ i ažyćciaŭleńnia hramadskaha charčavańnia, zaćvierdžanych pastanovaj Saŭmina RB № 703 ad 22 lipienia 2014 hoda: pradaŭcy mohuć samastojna vyznačać paradak i ŭmovy prodažu tavaraŭ.
A jak ź viartańniem? Tut jość važnaja detal — upakoŭka. Słuchaŭki źjaŭlajucca tavaram, abmien i viartańnie jakich nie ažyćciaŭlajecca (heta punkt 33 pieraliku niecharčovych tavaraŭ naležnaj jakaści, jakija nie padlahajuć abmienu i viartańniu, zaćvierdžanaha pastanovaj Saŭmina №778 ad 14 červienia 2002 hoda).
Pry hetym možna abmianiać abo viarnuć tavary ź pieraliku ŭ hiermietyčnaj abo vakuumnaj upakoŭcy, jakaja daje mahčymaść pabačyć, što tavar nie byŭ va ŭžyvańni.
— U suviazi z hetym pravamiernaść admovy pradaŭcom u abmienie i viartańni nabytych raniej słuchavak zaležyć ad cełasnaści ŭpakoŭki tavaru, — padsumoŭvaje Hanna Kavalova.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Oni sčitajutsia užie b/u