Kultura1111

U Nacyjanalnym mastackim muziei adkryłasia vystaŭka šedeŭraŭ biełaruskaj skulptury FOTA

U ekspazicyi pradstaŭlena bolš za 80 pomnikaŭ, stvoranych na praciahu pieršaj pałovy XVII — kanca XVIII stahodździaŭ, pieryjadu najvyšejšaha roskvitu kultavaj draŭlanaj skulptury ŭ Vialikim Kniastvie Litoŭskim.

Skulptury na vystaŭcy. Fota: sb.by

Vystaŭka «Biełaruskaja skulptura XVII—XVIII stahodździaŭ» adkryłasia 26 studzienia ŭ novym vystavačnym korpusie muzieja pa vulicy K. Marksa, 24. 

Jana stała vynikam šmathadovaj pracy pa źbirańni, restaŭracyi i vyvučeńni kalekcyi staražytnabiełaruskaj skulptury Nacyjanalnaha mastackaha muzieja.

Ekspanaty pachodziać z roznych rehijonaŭ krainy i śviedčać pra vysoki prafiesijny ŭzrovień raźvićcia skulptury na ŭsioj terytoryi Biełarusi. Raznaja skulptura sfarmiravałasia jak značnaja źjava ŭ biełaruskim mastactvie, atrymała raspaŭsiudžvańnie i roskvit u katalickim chramie, a taksama znajšła miesca ŭ azdableńni cerkvaŭ uschodnie-chryścijanskich kanfiesij. U pravasłaŭnaj carkvie ŭ XVII-XVIII stst. vysokaha mastackaha ŭzroŭniu dasiahnuła arnamientalnaja raźba pa drevie.

Skulptura Śviatoha Abmrozija sa Słonima, adlustravanaha z charakternym dla jaho pčalinym vullem u ruce, na restaŭracyi pierad vystaŭkaj. Fota: telehram-kanał Ministerstva kultury

Kuratar vystaŭki, viadučy navukovy supracoŭnik Stanisłaŭ Čavus, patłumačyŭ, što hałoŭnaja ideja vystaŭki — pakazać vyklučna skulpturu i dekaratyŭnuju raźbu pa drevie.

— U ekspazicyi skulptura pakazana tak, kab była bačnaja dynamika raźvićcia hetaj mastackaj źjavy z XVII stahodździa, bolš rańnich tvoraŭ zusim niamnoha, kab štości pra ich havaryć. I raniej interjery katalickich kaściołaŭ i pravasłaŭnych chramaŭ upryhožvalisia tvorami vyjaŭlenčaha mastactva, a skulptura jak istotnaja źjava pačała źjaŭlacca ŭ pačatku XVII stahodździa i pastupova raźviłasia ŭ samastojnuju źjavu, — adznačyŭ Čavus.

Vyvieska vystaŭki. Fota: sb.by

Niekatoryja tvory ŭpieršyniu demanstrujucca šyrokaj publicy. Heta fihury Archaniołaŭ ź Pinska, Śviatoha Vojciecha z Hrodna, Śviatoha biskupa Ryma z Šarašova. Paśla zaviaršeńnia praciahłaj restaŭracyi ekspanujecca Raśpiaćcie z Łaŭryšava. Dla mnohich tvoraŭ byli ŭdakładnieny atrybucyjnyja źviestki, siarod ich skulptury apostała Jana i Dzievy Maryi z kampazicyi «Raśpiaćcie z pradstajačymi» z Šarašova, Śviatoha Ambrozija sa Słonima, a taksama kompleks skulptur z Mahiloŭščyny.

Vystaŭka budzie pracavać da 7 krasavika 2024 hoda.

Skulptury na vystaŭcy. Fota: sb.by

«Naša Niva» — bastyjon biełaruščyny

PADTRYMAĆ

Kamientary11

  • Kierlinhaard
    29.01.2024
    Aj, usio nia ŭ čas. Čamu nie dvuma tydniami raniej ?
  • Josik
    29.01.2024
    Bolš vyjaŭ katalickaha napramku, chutka bepecešnyja cerbiery nalatuć dy začyniać vystavu. A pačymu niet kiryła?
  • Tak
    29.01.2024
    Vydatnaja vystaŭka. Mastacki prykład taho, što naša kraina niekali adnaznačna naležyła da jeŭrapiejskaj kultury.

Ciapier čytajuć

«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ93

«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ

Usie naviny →
Usie naviny

Zaŭtra stanie chaładniej, a ź niadzieli znoŭ horača10

U Pałtavie pakazali nastupstvy ŭdaru pa horadzie

Dźmitryja Łukašenki nie było z baćkam i bratami na adznačeńni 3 Lipienia34

Forvard zbornaj Partuhalii i «Livierpula» Dyjohu Žota zahinuŭ u aŭtakatastrofie praź niekalki dzion paśla svajho viasiella1

Mužčyna, što z nažom i ŭ trusach uvarvaŭsia ŭ minskuju kramu, kazaŭ niešta pra zryŭ śpiecapieracyi. VIDEA znutry7

U Pałtavie naniesieny ŭdar pa vajenkamacie: jość zahinułyja i paranienyja3

U Polščy raskazali, jak budzie z 7 lipienia prachodzić kantrol na miažy ź Litvoj2

Horača, jak u piekle. Jak Jeŭropa pieražyła adzin z samych haračych miesiacaŭ za ŭsiu historyju nazirańniaŭ6

Cichanoŭskaja pra 3 Lipienia: Na spravie ni pra jakuju sapraŭdnuju niezaležnaść ci svabodu havorki nie idzie13

bolš čytanych navin
bolš łajkanych navin

«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ93

«Soramna i baluča!» Siarhiej Cichanoŭski paskardziŭsia na niedastatkovuju padtrymku biełarusaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić