Prahrama statystyčnych rabot na 2010 hod zaćvierdžana ŭ Biełarusi. Takoje rašeńnie pryniata pastanovaj Savieta ministraŭ №1657 ad 17 śniežnia 2009 hoda.
Jak paviedamiła pres‑słužba ŭrada, prahrama raspracavana «ŭ metach zabieśpiačeńnia svoječasovaha pradastaŭleńnia dziaržaŭnym orhanam abjektyŭnych i aktualnych zbornych statystyčnych danych (infarmacyi) pa pytańniach ekanamičnaha, demahrafičnaha, sacyjalnaha i ekałahičnaha stanovišča ŭ Biełarusi».
Prahrama ŭpieršyniu zaćviardžajecca Saŭminam (raniej jana prymałasia Biełstatam) i źjaŭlajecca dziaržaŭnym zakazam urada na pradastaŭleńnie aficyjnaj statystyčnaj infarmacyi dla dziaržaŭnaha kiravańnia. Jana praduhledžvaje infarmacyjnaje zabieśpiačeńnie chodu vykanańnia prahramy sacyjalna‑ekanamičnaha raźvićcia Biełarusi na 2006—2010 hady, aktaŭ kiraŭnika dziaržavy, zakonaŭ, rašeńniaŭ urada. Statystyčnaj infarmacyjaj taksama zabiaśpiečvajucca subjekty haspadarańnia, srodki masavaj infarmacyi, navukovyja ŭstanovy, mižnarodnyja arhanizacyi, fizičnyja asoby. Takim čynam, luby karystalnik moža aznajomicca z prahramaj statystyčnych rabot, jakaja raźmieščana na aficyjnym sajcie Biełstata, i atrymać nieabchodnuju infarmacyju.
U 2010 hodzie dziaržaŭnyja statystyčnyja nazirańni pravodziacca orhanami dziaržstatystyki pa 113 formach statystyčnaj spravazdačnaści, u tym liku 46 — hadavoj pieryjadyčnaści pradstaŭleńnia (adzin raz u hod); 4 — paŭhadavoj (dvojčy ŭ hod); 19 — kvartalnaj; 39 — miesiačnaj; 5 — inšaj pieryjadyčnaści. Taksama pa šaści inšych formach pravodziacca vybaračnyja abśledavańni chatnich haspadarak, nazirańni za cenami na tavary i płatnyja pasłuhi nasielnictvu, za abjomami prodažu tavaraŭ na rynkach, u handlovych centrach.
Akramia taho, u 2010 hodzie budzie ažyćciaŭlacca zbor danych pa troch adnačasovych formach dziaržaŭnych statystyčnych nazirańniaŭ. Dziaržaŭnyja statnazirańni za dziejnaściu mikraarhanizacyj i małych arhanizacyj sioleta buduć ažyćciaŭlacca šlacham spałučeńnia hadavych i kvartalnych daśledavańniaŭ pa asnoŭnych ekanamičnych pakazčykach ich dziejnaści. Hetyja nazirańni taksama buduć vieścisia na asnovie miesiačnych i kvartalnych abśledavańniaŭ halinovych asablivaściaŭ dziejnaści pa adpaviednych śpiecyjalizavanych formach dziaržaŭnaha statystyčnaha nazirańnia (za pramysłovaj dziejnaściu, roźničnym handlem, akazańniem płatnych pasłuh i inš.).
Pa vynikach praviedzienych orhanami dziaržstatystyki nazirańniaŭ u 2010 hodzie zhodna z prahramaj statystyčnych rabot budzie vydadziena 17 hadavych statystyčnych zbornikaŭ i bolš za 30 tys. (z ulikam pieryjadyčnaści) statbiuleteniaŭ (ekspres‑infarmacyj).
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary