Suprać Viktoryi Kulšy chočuć zavieści treciuju zapar kryminałku za «niepadparadkavańnie administracyi»
Viktoryju dvojčy za minuły hod asudzili pavodle č. 1 art. 411 KK (złosnaje niepadparadkavańnie zakonnym patrabavańniam administracyi kałonii). Apošni raz sud pryznačyŭ žančynie jašče adzin hod źniavoleńnia ŭ dadatak da troch z pałovaj hadoŭ kałonii.
Viktoryja bolš za miesiac znachodzicca ŭ PKT, ale sustreła Novy hod u štrafnym izalatary. Ciapier stała viadoma, što administracyja žanočaj kałonii № 24 inicyjavała zaviadzieńnie suprać palitźniavolenaj užo treciaj kryminalnaj spravy pa art. 411 KK. Padrabiaznaści pakul nieviadomyja, piša «Viasna».
Raniej u zarečanskaj kałonii adzin z nahladčykaŭ dušyŭ Viktoryju łokciem, stojačy zzadu, a taksama ciahaŭ jaje pa kamiery. Praz haładoŭki ŭ jaje dvojčy zdaraŭsia sardečny prystup, piša «Viasna».
Adras dla padtrymki: PK № 24. 247526, vuł. Vytvorčaja, 44, h. p. Zarečča, Rečycki rajon, Homielskaja vobłaść, Viktoryja Alaksandraŭna Kulša.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary