«Biehłyja, vy mahli b taksama karystacca hetym zakonam». Sumnaja historyja pra toje, jak tyktokier schadziŭ u deputaty
Adzin z praŭładnych tyktokieraŭ, pradaviec-kansultant TAA «HipierAjtiTriejd» Arciom Dubinin pafasna prapahandavaŭ vialikija mahčymaści, jakija daje biełaruskaje zakanadaŭstva i praktyčnaje jaho prymianieńnie dla taho, kab łajalnyja hramadzianie mahli z hetaha skarystacca. Ale sproba dakazać heta ŭłasnym prykładam atrymałasia niepierakanaŭčaj, paviedamlaje «Viasna».
«I ŭ nas, nasamreč, stvorana vielizarnaja kolkaść mahčymaściaŭ dla viadzieńnia palityčnaj baraćby samymi roznymi sposabami, u samym roznym abjomie, ale ŭ ramkach zakona. I vy, darahija biehłyja, mahli b taksama karystacca hetym zakonam…»,
— kazaŭ Arciom Dubinin, biez uzhadnieńnia ź viertykallu vyłučajučysia kandydatam u deputaty Pałaty pradstaŭnikoŭ pa Barysaŭskaj sielskaj vybarčaj akruzie № 63.
Ale 30 studzienia stała viadoma, što jaho nie zarehistravali ŭ jakaści kandydata. A baraćbu z prahnazavanym vynikam tut praciahnuć były kiraŭnik Hałoŭnaha raźviedvalnaha ŭpraŭleńnia Hienieralnaha štaba US RB Rusłan Kasyhin i dyrektarka Barysaŭskaj dziciačaj chareahrafičnaj škoły mastactva Ała Rutkoŭskaja. Abodva, darečy, členy partyi «Biełaja Ruś».
Možna mierkavać biez asablivaj ryzyki pamylicca, što ŭ hetaj akruzie deputackaje miesca zabraniravana za Kasyhinym.
Davieranuju asobu Łukašenki raptoŭna nie zarehistravali kandydatam u Hrodzienski abłasny saviet
«Pracavać na karyść Radzimy». Homielski deputat nie dačakaŭsia zakančeńnia paŭnamoctvaŭ i źjechaŭ u Rasiju
Bresckaja deputatka parłamienta išła na pieravybary — ale raptoŭna źniała svaju kandydaturu
Hałoŭny adept ruskaha mira i SSSR pralacieŭ mima parłamienckich vybaraŭ
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary