Va Ukrainie idzie aŭdyt dziejańniaŭ kiraŭnictva USU za dva hady — Padalak
Daradca kiraŭnika Administracyi prezidenta Ukrainy Michaił Padalak paviedamiŭ, što ciapier va Ukrainie pravodzicca pravierka dziejańniaŭ viarchoŭnaha składu Uzbrojenych sił za dva hady, kab acanić nieabchodnaść kadravych rašeńniaŭ. Takim čynam jon prakamientavaŭ u efiry Usieŭkrainskaha telemarafona zajavu Uładzimira Zialenskaha ab nieabchodnaści reformy kiraŭnictva armijaj.
«Siońnia my znachodzimsia ŭ peŭnym zastoi… nie na pieradavoj, a ŭ peŭnym zastoi», — skazaŭ jon.
Padalak udakładniŭ, što ciapier pravodzicca pravierka ŭsiaho, što adbyłosia za apošnija dva hady. Z ulikam hetaj pravierki buduć pryniatyja adpaviednyja rašeńni, skazaŭ jon.
Napiaredadni prezident Ukrainy Uładzimir Zialenski ŭpieršyniu asabista prakamientavaŭ mahčymaść zvalnieńnia Załužnaha. Jon rastłumačyŭ, što «dumaje ab hetaj zamienie», i što zamieny tyčacca «ŭsioj hrupy kiravańnia, jakaja kiruje mašynaj krainy».
Pavodle ŚMI, 2 lutaha ŭrad Ukrainy paviedamiŭ Biełamu domu, što Zialenski vyrašyŭ vyzvalić Załužnaha. Heta buduć samyja surjoznyja kadravyja pierastanoŭki za čas poŭnamaštabnaj vajny va Ukrainie.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary
My ž nie ŭ zastoi, praŭda? Ad pieramohi da pieramohi ž idziem, praŭda?