Śviet

«My za toje, kab da nas pryjazdžali». Kiraŭniki Druskienik i Vilenskaha rajona suprać zakryćcia novych prapusknych punktaŭ na miažy ź Biełaruśsiu

Kiraŭniki pamiežnych ź Biełaruśsiu horada Druskieniki i Vilenskaha rajona biez zachapleńnia ŭspryniali prapanovu litoŭskaj Nacyjanalnaj kamisii pa biaśpiecy ab zakryćci jašče dvuch KPP na litoŭska-biełaruskaj miažy — Rajharda (ź biełaruskaha boku Pryvałka) i Łavaryškaŭ (ź biełaruskaha boku Katłoŭka), piša Delfi.lt.

Punkt propusku «Łavaryški» (ź biełaruskaha boku «Katłoŭka»). Fota: news.transinfo.by

Kiraŭnik Vilenskaha rajona Robiert Duchnievič pahadžajecca, što dziaržava pavinna kłapacicca pra svaju biaśpieku. Adnak pry hetym palityk zaŭvažaje — važna harantavać, kab u žycharoŭ była mahčymaść naviedvać svajakoŭ, jakija žyvuć za miažoj. U toj ža čas mer Druskienikaŭ Ryčardas Malinaŭskas śćviardžaje, što horad pavinien być adkrytym dla ŭsich, u tym liku i dla turystaŭ ź Biełarusi.

«My kurort. Kurort dla ŭsich. My nie ŭviazvajemsia ŭ hieapalityčnyja pytańni, u pytańni biaśpieki, heta nie naša funkcyja, nie naš uzrovień. My za toje, kab da nas pryjazdžali adpačyvać, lačycca ŭsie achvotnyja, dobrazyčliva nastrojenyja ludzi. A pravierkaj ich dobrazyčlivaści pavinny zajmacca śpiecsłužby», — skazaŭ Malinaŭskas.

Pry hetym Malinaŭskas adznačyŭ, što zakryćcio KPP moža paŭździejničać i na miascovy biznes.

«My nasamreč dapuścili durnyja pamyłki. Na siońniašni dzień ja nie viedaju, ci palepšać jany stanovišča. Nie mnie vyrašać. Ale, hledziačy z boku, jak my pieraškadžajem ujezdu prostych ludziej, ja dumaju, hetym (…) my pakazvajem prostym ludziam naša staŭleńnie», — ličyć jon.

U svaju čarhu, Robiert Duchnievič nahadaŭ, što važna nie tolki kłapacicca pra biaśpieku krainy, ale i dumać pra suviazi žycharoŭ ź biełaruskimi svajakami.

«My pavinny zrazumieć, što hetyja terytoryi na miažy ciesna źviazanyja svajactvam, i svajaki našych hramadzian žyvuć tam z-za peŭnych histaryčnych pryčyn. Havorka idzie nie pra ludziej, jakija jeździać pa pakupki, jany jeździać da svaich siemjaŭ, da ludziej starejšaha ŭzrostu. My pavinny zrabić tak, kab prajezd nie byŭ tatalna abmiežavany, u ludziej pavinna być mahčymaść mieć znosiny z členami siamji», — skazaŭ jon.

Taksama Duchnievič padkreśliŭ, što treba pakinuć šlachi i dla apanientaŭ biełaruskaj ułady. 

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

BNTU: Vykładčyk, jaki ŭciakaŭ ad milicyi, pamior ad sardečnaha prystupu9

BNTU: Vykładčyk, jaki ŭciakaŭ ad milicyi, pamior ad sardečnaha prystupu

Usie naviny →
Usie naviny

Žurnalisty atrymali dostup da sakretnych płanaŭ rasijskich jadziernych vajskovych baz3

Tramp prapanavaŭ Kanadzie dostup da abarony pad «Załatym kupałam». Pry adnoj umovie5

Hrošy dla byłoha palitviaźnia Andreja Čapiuka sabrali mienš čym za paŭsutak

U Hiermanii admianiajuć niadaŭna ŭviedzienuju mahčymaść «ekspres-naturalizacyi»

«Muž byŭ suprać taho, kab Anžalika sustrakałasia ź dziećmi ź inšym mužčynam». Aŭtar rasśledavańnia pra Mielnikavu padzialiŭsia niekatorymi detalami6

Mierc paabiacaŭ dapamahčy Ukrainie z raspracoŭkaj ułasnaj dalnabojnaj zbroi1

«Vinny 500 rubloŭ». Biełarus vyrašyŭ zachoŭvać źbieražeńni ŭ jeŭra, ale trapiŭ u nievidavočnuju pastku1

Fatohraf-ahient Miščuk raskazaŭ svaju viersiju taho, što adbyłosia12

U Minsku zdajecca pasutačna kvatera, u jakoj niama dźviarej u prybiralniu. Z kanapy adkryvajecca vid i na televizar, i na ŭnitaz

bolš čytanych navin
bolš łajkanych navin

BNTU: Vykładčyk, jaki ŭciakaŭ ad milicyi, pamior ad sardečnaha prystupu9

BNTU: Vykładčyk, jaki ŭciakaŭ ad milicyi, pamior ad sardečnaha prystupu

Hałoŭnaje
Usie naviny →

Zaŭvaha:

 

 

 

 

Zakryć Paviedamić