MZS Polščy ličyć «Biełsat» adnym ź simvałaŭ polskaj uschodniaj palityki, meta jakoj — demakratyzacyja i padtrymka sił niezaležnaści, i praciahnie jaho padtrymku, piša oko.press.
Vydańnie oko.press apublikavała materyjał pra situacyju na telekanale «Biełsat», u tym liku ŭ jaho rasiejskamoŭnaj redakcyi «Vot tak». Žurnalisty źviarnulisia pa kamientary ŭ MZS.
«Biełsat zastajecca», — koratka adkazaŭ im ministr zamiežnych spraŭ Radasłaŭ Sikorski.
Hetuju infarmacyju paćvierdziŭ i pres-sakratar MZS Pavieł Uronski. «MZS maje namier praciahvać finansavać «Biełsat». Pytańnie, jak heta budzie, kab było efiektyŭna. Na dadzieny momant my słuchajem prapanovy TVP», — skazaŭ jon.
U zajavie MZS, jakuju atrymali žurnalisty, havorycca, što telekanał «Biełsat» vielmi važny. «Heta adzin ź simvałaŭ polskaj uschodniaj palityki, meta jakoj — demakratyzacyja i padtrymka sił niezaležnaści ŭ byłych respublikach Savieckaha Sajuza», — adznačajecca ŭ joj.
Prablemy ŭ kanała ŭźnikli z pryčyny reformy hramadskich ŚMI ŭ Polščy, u tym liku telekampanii TVP, u strukturu jakoj uvachodzić «Biełsat».
Situacyja stała vynikam źmieny kiraŭnictva Polskaj televizii. Kadravyja pierastanoŭki inicyjavała novaja ŭłada, što pryjšła paśla parłamienckich vybaraŭ. Byŭ taksama zvolnieny mieniedžmient Polskaha radyjo i Polskaj ahiencyi druku.
Va ŭradzie svaje dziejańni tłumačać nieabchodnaściu «adnavić niezaležnaść, abjektyŭnaść i pluralizm u realizacyi hramadskaj misii» dziaržaŭnych miedyja. Prezident Polščy Andžej Duda nazvaŭ kadravyja pierastanoŭki niezakonnymi.
Pra nieabchodnaść padtrymańnia «Biełsata» kazała Śviatłana Cichanoŭskaja padčas sustrečaŭ u Varšavie z kiraŭnictvam MZS, śpikierami Siejma i Sienata Polščy, a taksama ź siabrami Kamiteta zamiežnych spravaŭ Siejma.
Za kratami ciapier znachodzicca 17 supracoŭnikaŭ «Biełsata».
Praklon biełaruskich siłavikoŭ. Jak pamirajuć ludzi ŭ pahonach paśla 2020 hoda — danyja «Kibierpartyzanaŭ»
Stała viadoma, kali źjaviacca pieršyja ŭzory pašparta Novaj Biełarusi
«My ŭsio znojdziem, usio dakažam, i pojdziecie vy na 7 hadoŭ». Bychaŭski piśmieńnik-fantast raskazaŭ, jak jaho plažyli za supracu z rehijanalnymi ŚMI
Ciapier čytajuć
Miortvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB10
Kamientary
Tam pracujuć rasijanie.