Na moładzievym chakiejnym turniry ŭ Minsku rasiejcy abrazilisia parazie ad biełarusaŭ i ŭčynili demarš
Dniami ŭ Minsku prachodziŭ chakiejny «Kubak budučyni», u finale jakoha syšlisia junijorskaja (U-18) zbornaja Rasii i moładzievaja zbornaja Biełarusi (U20). Vyjhrali biełarusy, ale rasiejcy byli vielmi niezadavolenyja, što publična i prademanstravali.
U finalnym matčy biełarusy spačatku viali 3:0, potym rasiejcy zakinuli im piać šajbaŭ, ale ŭrešcie haspadary lodu lik zraŭniali, a ŭ aviertajmie supiernikaŭ dacisnuli — 6:5.
Rasiejcy paličyli, što prajhrali tolki z-za kiepskaj jakaści sudziejstva, i prademanstravali heta padčas uznaharodžańnia, admoviŭšysia prymać jak indyvidualnyja pryzy, tak i kamandnuju «sałatnicu» za 2-je miesca.
Padčas cyrymonii kapitan rasijskaj kamandy Jahor Suryn pakinuŭ na lodzie kamandny pryz, a bramnik Piotr Andrejanaŭ i napadajučy Vadzim Dudaraŭ hetak ža sama zrabili sa svaimi ŭznaharodami najlepšym hulcam turniru ŭ svaich ampłua. Pryzy im, darečy, uručaŭ adyjozny Dźmitryj Baskaŭ, kolišni staršynia Fiederacyi chakieju Biełarusi, a ciapier «sienatar».
Niezadavolenaść sudździami była vyklikanaja tym, što try ź piaci šajbaŭ rasijskija junijory prapuścili ŭ niaroŭnych składach, a kali biełarusy zakidvali vyrašalnuju šajbu, to sudździ nie zadavolili prośbu ab videaprahladzie epizodu z-za mahčymaj pieraškody hałkipieru.
Na Spartakijadzie ŭ Rasii skandał vybuchnuŭ jašče da startu. Niečakana zabaranili biełaruskich bijatłanistaŭ
Zdajecca, biełaruski chakieist Maksim Suško ŭščypnuŭ nižej za śpinu teležurnalistku Kryścinu Zacharavu VIDEA
Časam nie da pravił. Kačanava zrabiła pieršaje ŭkidvańnie na chakiejnym matčy, ale pa svajoj sistemie
Ciapier čytajuć
Staŭ viadomy sens kryminalnaj «spravy strachaŭščykoŭ»11
Kamientary