Niadaŭna pryznačany hałoŭnakamandujučy Uzbrojenych sił Ukrainy hienierał-pałkoŭnik Alaksandr Syrski zajaviŭ, što rasijska-ŭkrainskaja vajna pavinna skončycca vychadam Ukrainy na svaje zakonnyja miežy, inšyja varyjanty nie razhladajucca. A dla hetaha ŭsio hramadstva pavinna zhurtavacca vakoł pieramohi. Pra heta jon skazaŭ u intervju niamieckamu telekanału ZDF, paviedamlaje Ukrinform.
«Vy viedajecie, kali navat nie vajna, vajna ŭ nas pačałasia z 2014 hoda, a my havorym pra adkrytuju ahresiju.
Dyk voś kali hetaja ahresija pačałasia, u mianie było takoje adčuvańnie, što ja idu ŭ niejkuju biezdań, jakaja nie maje vyraznych niejkich abmiežavańniaŭ pa časie, časovych abmiežavańniaŭ.
Zrazumieła, što heta dla nas vialikaja prablema. I ŭ toj momant zusim nie było jasna, kali heta skončycca. Ale było mnie jasna, što heta budzie doŭha i heta budzie ciažka», — skazaŭ Syrski, adkazvajučy na pytańnie, ci dumaŭ jon u pačatku vajny, što jana praciahniecca tak doŭha.
Na ŭdakładnieńnie žurnalistki, adkul nadzieja, što Ukraina moža chutka skončyć hetuju vajnu, hałoŭnakamandujučy USU adkazaŭ:
«Heta hruntujecca na tym, što my jaje pavinny skončyć z vychadam na našy miežy. Heta pa-pieršaje. Tamu što inšych varyjantaŭ nie razhladajecca. Tamu što inšaha prosta vyjścia ŭ nas niama. A heta značyć, što ŭsio, usio hramadstva pavinna zhurtavacca vakoł ahulnaj spravy — pieramohi».
Jon dadaŭ, što ŭ hetaj spravie «treba napružycca ŭsim…, treba naładzić vytvorčaść niepasredna tut, u nas va Ukrainie».
«Hety praces zapuščany. Treba naroščvać abjomy vytvorčaści, tamu što my, u pieršuju čarhu, pavinny raźličvać na ŭłasnyja siły. Nie tolki na partnioraŭ, z ulikam usiaho, ale i na ŭłasnyja siły. Nu i, viadoma, treba ŭdaskanalvać taktyku.
Dla nas hałoŭnaja zadača i hałoŭnaja kaštoŭnaść — heta žyćcio našaha sałdata, aficera, tych bajavych padraździaleńniaŭ, jakija niepasredna vykonvajuć bajavyja zadačy.
My nie možam dazvolić sabie takoha staŭleńnia, jak robiać rasijskija načalniki, kali jany pravodziać praktyku «miasnych šturmaŭ». Ja lepš pakinu jakuju-niebudź pazicyju, ale nie dapušču hibieli ŭsiaho asabovaha składu. A dla ich kaštoŭnaść žyćcia sałdata roŭnaja faktyčna nulu. I my heta bačym…
Naohuł straty — heta vielmi adčuvalnaja tema dla ŭsich. Dla luboj krainy, luboha hramadstva», — skazaŭ Syrski.
8 lutaha 2024 hoda prezident Uładzimir Zialenski pryznačyŭ hienierał-pałkoŭnika Alaksandra Syrskaha hałoŭnakamandujučym Uzbrojenych sił Ukrainy.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary