U Biełarusi jość tolki adzin kaścioł, nazvany ŭ honar śviatoha Valancina
Parafijalnaje śviata adznačyli ŭ kaściole śviatoha Valancina ŭ Smalavičach u niadzielu — raniej liturhičnaha ŭspaminu hetaha katalickaha śviatoha, što prypadaje na siońnia, 14 lutaha.
Mienavita na siońnia ŭ hetym hodzie prypadaje Papialcovaja sierada, jakoj pačynajecca Vialiki post. Prychodskija śviaty pryniata pieranosić na vychadnyja dni, kab bolšaja kolkaść ludziej zmahła ŭziać u ich udzieł, udakładniaje katolik.life.
Vierniki prasili śviatoha Valancina navučyć Božaj lubovi i daravańniu. Šanoŭnym hościem Smalavickaj parafii staŭ hienieralny vikaryj Minska-Mahiloŭskaj archidyjacezii biskup Alaksandr Jašeŭski, jaki ŭznačaliŭ celebracyju ŭračystaj śviatoj imšy.
Paśla sumiesnaj malitvy dzieci parafii vystupili z pastanoŭkaj, a zatym udzielnikaŭ śviata čakaŭ abied — prysmaki prynosili prychadžanie.
Śviaty Valancin — zastupnik lubovi, a luboŭ — heta vialiki dar, adznačyła pradstaŭnica parafii padčas vinšavańnia ŭdzielnikaŭ śviata:
«Žadaju dzietkam, kab lubili svaich baćkoŭ, nastaŭnikaŭ, adzin adnaho. Maładym ludziam — kab byli kachanymi, kab kachańnie było ščyrym, kab stvarali zdarovyja, dobryja siemji».
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary