Hramadstva1212

«Uvieś śviet dziviŭsia, u jakich umovach trymali Navalnaha»: były źniavoleny nahadaŭ pra realii palitviaźniaŭ u Biełarusi

Pračytaŭšy pra toje, u jakich umovach rasijski apazicyjanier Alaksiej Navalny bolš za 300 dzion pravioŭ u ŠYZA, Dźmitryj Barejčuk vyrašyŭ nahadać, što ŭ Biełarusi dla zatrymanych pa palityčnych matyvach usio jašče bolš žorstka. Mužčynu zatrymlivali niekalki razoŭ i jon upeŭnieny: žyćcio na Akreścina maje dačynieńnie da ankałohii, ź jakoj mužčyna zmahajecca ciapier.

Pieršy sud. Fota z asabistaha archiva Dźmitryja Barejčuka

Historyju Dźmitryja my ŭžo raspaviadali. U 2020 mužčyna źbiraŭ podpisy za Babaryku, potym aktyvista zatrymali naŭprost u KDB, kudy toj prynios chadajnictva ab vyzvaleńni Babaryki ź SIZA. Zhadali pra Dźmitryja znoŭ u 2022 hodzie i paśla hetaha spakojnaha žyćcia ŭžo nie było. Mužčynu prymusili abhavaryć siabie i pryznacca ŭ rehistracyi ŭ płanie «Pieramoha».

— Na Akreścina ŭ adnamiesnaj kamiery pamieram 1,7ch3 mietry (uklučajučy prybiralniu, jakaja ničym nie aharodžanaja) utrymlivajecca ad 7 da 9 aryštantaŭ.

Dźmitryj zhadvaje, što škonka, jakaja pryšpilvajecca da ściany, u Akreścina nikoli nie padnimajecca. U rasparadžeńni aryštantaŭ tolki bietonnaja padłoha i płošča kala pałovy kvadratnaha mietra na čałavieka.

— Viadoma ž, nijakich matracaŭ nie vydajuć. U aryštantaŭ zabirajuć usie asabistyja rečy, navat zubnyja pasty i ščotki, knih i časopisaŭ niama. Prahułak ludzi na Akreścina pazbaŭlenyja. Dostupu da miedycynskaha absłuhoŭvańnia niama. Redka ŭ fielčara možna vyprasić samuju prostuju tabletku padčas ranišniaha abychodu. I heta ŭsio ličycca normaj dla zatrymanych pa palityčnych matyvach.

Mocnyja boli ŭ žyvacie ŭ mužčyny pačalisia jašče na Akreścina, ale tam ihnaravali ŭsie jahonyja skarhi na drennaje samaadčuvańnie. Adrazu ž paśla vyzvaleńnia Dźmitryj źviarnuŭsia ŭ balnicu i jaho špitalizavali.

Žudasna dumać pra toje, što było b ź im, kali b nie paščaściła vyjści na volu — chacia b pad padpisku ab niavyjeździe. Ale ž dziakujučy «Bajsoł» Dźmitryj razam ź siamjoj evakuiravaŭsia ŭ Polšču, dzie prachodzić lačeńnie. Jamu praviali apieracyju i vydalili puchlinu razam z častkaj kišečnika. Vy možacie padtrymać Dźmitryja i paŭdzielničać u zbory dla jaho.

Pavodle źviestak pravaabarončaha centru «Viasna», siarod palitviaźniaŭ u Biełarusi niamała piensijanieraŭ, a taksama ludziej ź invalidnaściu i ciažkimi zachvorvańniami. Samuju starejšuju ź ich — 75-hadovuju Natallu Taran — asudzili na try z pałovaj hady kałonii za abrazy. Jana da hetaha času nie vyjšła na volu.

Možna zhadać i 63-hadovaha aktyvista i krajaznaŭcu Uładzimira Hundara — heta čałaviek ź invalidnaściu, u jaho niama nahi. Adnak u SIZA jamu nie dazvolili pakinuć pratez, nie pieradavali nieabchodnyja leki: vysoki cisk spravakavaŭ hipiertaničny kryz. Akramia taho, jon paprasiŭ pieradać u SIZA bolš mocnyja akulary i novyja tabletki ad serca. Jaho asudzili na 18 hadoŭ kałonii va ŭmovach uzmocnienaha režymu. Hundara časta kidajuć u karcar, jon nieadnarazova abjaŭlaŭ haładoŭku.

Na žal, takija vypadki nie adzinkavyja. Pravaabaroncy «Viasny» adznačajuć, što paśla 2020 hoda administracyi miescaŭ pazbaŭleńnia voli stvarali dla palitviaźniaŭ umovy, jakija nabližalisia, a časta dasiahali ŭzroŭniu katavalnych.

Pa danych na 18 lutaha 1418 čałaviek u Biełarusi pryznanyja palitviaźniami. Šmat pra kaho ź viadomych biełaruskich palitźniavolenych niama źviestak vielmi doŭha. Užo 368 dzion listy nie dachodziać da Maryi Kaleśnikavaj, 374 — da Maksima Znaka, 292 — da Viktara Babaryki, 363 — da Ihara Łosika, 346 — da Siarhieja Cichanoŭskaha.

Čytajcie taksama:

«Kali trapiŭ na Akreścina ŭ 2022 hodzie, padumaŭ: blin, jak ža dobra było ŭ 2020!»

«Sindrom raptoŭnaj śmierci». Źjaviłasia novaja viersija, ad čaho pamior Navalny

«Mnie tolki chočacca, kab jana vyžyła». Siastra Maryi Kaleśnikavaj — pra hod biez suviazi ź joj

Kamientary12

  • Josik
    18.02.2024
    Łukašenka sa svajoj zhrajaj padobny da nacystaŭ, pakul tolki niama hazavych kamier i šybienic na płoščach. 80 hod vyzvaleńnia 3 lipienia? Nie, daražeńkija suajčyńniki, Biełaruś nie pazbaviłasia anijakaha nacyzma, a žyvie ŭ im, asabliva heta adčuvalna apaśla 2020.
    • hoblen iz Juty
      18.02.2024
      Josik, vy žieš chotieli narodovłastije? Čiełoviek iz mlať naroda čtob pravił? Kušajtie! Odin dla siebia tron hotovił, potomu i nie parłamientskaja riespublika iznačalno, a tuda kołchoźnik pluchnułso! Tiepieŕ kušajtie, nie oblapajtieś! Žiełaju, čtob čieriez kołchoznyje pytki prošło vsio narodonasielenije (pohołov́je) Erbieški! Možiet, choť tohda u fanatikov Stalena i pokłońnikov krepkaj ruki mozhi na miesto stanut! Vpročiem, vriadli! Diehradacija, pochožie, nosit užie nieobratimyj charaktier! A hoblen poka pojdiot v Atłantikie popleŝico! Udači! Spasienije utopajuŝich - dieło ruk ich samich. Pałundrrrra-a-a! (ržot)
      PS v 2020 u vas był šahs vsio eto dieŕmo śniesti. Razrušiť svoju Bastiliju! No vy la chorovody vodili! Fotosieśsii naprotiv "kosmonavtov" ustraivali! Čajkom mla vo dvorach bałovaliś! Umirať za svoich dietiej za*scali? Nu dyk živitie, sto lat! :)
      • ch
        18.02.2024
        hoblen iz Juty, a tot, kto uletieł v Jutu značit nie za*scał? Bieziajcievyje infantilnyje piersonaži tak často postupajut, svoju popu v tiepło, a vo vsiem viniat druhich. Pričiem kohda druhije b́jutsia s oružijem v rukach, čtoby nie žiť v rašistskom koncłahierie, eto piersonaž umudriajetsia i ich polivať hriaźju s stile rośsijskoj pomojnoj propahandy.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Asudžany za «Hajun» da chimii brat Ihara Łosika ŭciok ź Biełarusi3

Asudžany za «Hajun» da chimii brat Ihara Łosika ŭciok ź Biełarusi

Usie naviny →
Usie naviny

«Pakul pašpart dziejničaje». Emihranty pra toje, ci nie strašna im adpraŭlać u Biełaruś dziaciej na letnija kanikuły1

Žychary rajcentra ŭ Viciebskaj vobłaści hadami skardziacca na drennuju vadu

Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč11

U Italii 78-hadovy mužčyna «ažyŭ» praz 30 chvilin paśla spynieńnia serca4

U Ciumienskaj vobłaści «hieroj SVA» zabiŭ svaju žonku ŭ dzień viasiella11

«Chacieŭ vyratavać chacia b niejkuju kolkaść ludziej». Dačka biełarusa, zatrymanaha pa spravie «Biełaruskaha Hajuna», raskazała pra baćku6

«Nievierahodny śpiektakl kryvadušnictva». Dźmitryj Hurnievič aburyŭsia ažyjatažam vakoł skandału na kancercie Coldplay25

Biełaruskaja handbalistka budzie hulać za zbornuju Rumynii

Dla biełaruskaha fiestyvalu vyrabili trochmietrovy chot-doh FOTAFAKT9

bolš čytanych navin
bolš łajkanych navin

Asudžany za «Hajun» da chimii brat Ihara Łosika ŭciok ź Biełarusi3

Asudžany za «Hajun» da chimii brat Ihara Łosika ŭciok ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić