«Skažycie, što heta niapraŭda». Źniavoleny Illa Jašyn — pra śmierć Alaksieja Navalnaha
Advakat Michaił Birukoŭ raspavioŭ u fejsbuku, što naviedaŭ u kałonii palityka Illu Jašyna.
«U PK-3 Illa Jašyn sustreŭ mianie słovami: «Skažycie, što heta niapraŭda» … Alaksiej Navalny, jak i Barys Niamcoŭ, byli jaho blizkimi siabrami i paplečnikami. I naš ahulny bol dla jaho ŭ sto razoŭ macniejšy», — napisaŭ Birukoŭ.
Pavodle jaho słoŭ, Jašyn nie skardzicca na zdaroŭje i ŭmovy ŭtrymańnia, u jaho niama kanfliktaŭ z administracyjaj i sukamiernikami.
«Pry rasstavańni Illa prasiŭ pieradać usim, kab nie apuskali ruki i nie zdavalisia», — dadaŭ advakat.
Palityk Illa Jašyn prysudžany da vaśmi z pałovaj hadoŭ kałonii pavodle spravy ab raspaŭsiudzie «fejkaŭ» ab rasijskaj armii. Sud vynies taki prysud u śniežni 2022 hoda pa spravie, raspačataj paśla strymu Jašyna ab zabojstvach mirnych žycharoŭ Bučy. U pačatku śniežnia 2023 hoda administracyja PK-3 u Smalenskaj vobłaści adpraviła Jašyna ŭ štrafny izalatar, a zatym pieraviała na strohija ŭmovy ŭtrymańnia, piša «Mieduza».
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary