«Słova pacana» i inšyja rasijskija chity zdymali ŭ ramkach padtrymki Pucina na vybarach
«Mieduza» atrymała dostup da ŭnutranych dakumientaŭ Administracyi prezidenta RF. U ich havorycca, što «Słova pacana», «Chałop» i inšyja chity — heta «kantent», vypuščany śpiecyjalna da vybaraŭ. Sami stvaralniki, jak pakazvaje apytańnie «Mieduzy», pra heta nie viedali.
Viasnoj 2023-ha ŭ Administracyi prezidenta Rasii prajšła narada, pryśviečanaja budučamu pieravybrańniu Uładzimira Pucina. Jaho ŭdzielnikam prademanstravali prezientacyju pad nazvaj «Tvorčy kantent da vybaraŭ».
Zhodna z prezientacyjaj, pad vybary 2024 hoda byli padrychtavanyja niekalki dziasiatkaŭ «tvorčych prajektaŭ». Siarod ich jak prajekty «pa tematycy SVA» (heta značyć pra vajnu), tak i vielmi papularnyja mejnstrymnyja filmy i sieryjały.
Naprykład, u dakumiencie paznačany rasijskija kasavyja chity: kamiedyja «Chałop 2», drama ab fihurnym katańni «Lod 3», miuzikł «Bremienskija muzykanty» (dziela jaho režysior Mikita Michałkoŭ damaŭlaŭsia ab tym, kab z čornaha śpisu zabaronienych artystaŭ prybrali Irynu Harbačovu), film-kazka «Pa ščupakovym zahadzie».
Ahułam hetyja prajekty sabrali ŭ prakacie kala 10 miljardaŭ rubloŭ. A pa adznacy aŭtaraŭ prezientacyi ŭ AP, jašče i zabiaśpiečyli «abaronu nacyjanalnych intaresaŭ, taksama kulturnych i hramadskich (tradycyjnych) kaštoŭnaściaŭ».
Paznačany ŭ dakumiencie i samy papularny rasijski sieryjał apošnich hadoŭ «Słova pacana», jaki raskazvaje pra kazanskija kryminalnyja hrupoŭki apošnich savieckich hadoŭ.
Jon, jak i inšyja prajekty z prezientacyi, zaklikany zabiaśpiečyć «pavyšeńnie ŭzroŭniu viedaŭ nasielnictva ab pazityŭnych źmienach u žyćci ludziej u Rasii, ab histaryčnych i sučasnych dasiahnieńniach suajčyńnikaŭ, ab hierojach našych dzion i prykładach dla pierajmańnia», a taksama śviedčyć «ab zachavańni kulturnaj identyčnaści, tradycyj i suvierenitetu».
Akramia taho, na dumku Kramla, «Słova pacana» raspaviadaje ab «jakasnych źmienach žyćcia ŭ Rasii jak ustojlivym trendzie» (heta značyć, mabyć, ab tym, što ŭ 2020-ch rasiejcy žyvuć lepš, čym savieckija ludzi ŭ 1980-ch).
Stvaralniki filmaŭ, ź jakimi pahavaryli žurnalisty, kažuć, što nie viedali pra svaju misiju ŭ hetym sensie.
«Opa, ni*uja sabie! Upieršyniu pra heta čuju», — tak adreahavaŭ na zvanok žurnalistaŭ režysior adnaho z kinaprajektaŭ, jakija trapili ŭ prezientacyju.
Krynica, blizkaja da zdymačnaj hrupy sieryjała «Niurnbierh», taksama zajaviła, što «ŭpieršyniu čuje», što sieryjał moža być častkaj niejkaj pieradvybarnaj kampanii.
Surazmoŭcy schilajucca da taho, što kramloŭskija ideołahi prosta prymazvajucca da paśpiachovych prajektaŭ.
«Ja dumaju, jany vybrali ŭsio, što možna da vybaraŭ choć niejak pryciahnuć. Uziali, što zmahli, z pavietra», — skazała krynica, znajomaja z detalami zdymak adnaho ź sieryjałaŭ, jakija trapili ŭ śpis.
Ich kaleha pa kinaindustryi tłumačyć:
«Jany sprabujuć padpierci svaju dziejnaść takimi ideałahičnymi padporkami. Hladziać, jakija prajekty vychodzili, što možna padciahnuć, apraŭdać traty. Typu my zajmajemsia ideałohijaj, pracujem dziela krainy, hrošy marnujem nie darma. Byvajuć pamyłki nakštałt «Majstra i Marharyty», ale my pracujem u pravilnym kirunku i vypraŭlajemsia».
Čytajcie taksama:
Novaja viersija «Majstra i Marharyty» lidziruje ŭ minskim prakacie
Samy kasavy film u historyi biełaruskaha kiniematohrafa. Pra što jon?
Ź jakoha rajona, čušpan? Što za sieryjał «Słova pacana», jaki rvie rejtynhi
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie8
Kamientary
A voobŝie sohłasien s mnienijem, čto eto vsieho liš popytka činovnikov dokazať svoju poleznosť. Primierno kak Łukašienko dokazyvał, čto eto on naučił Azarionok dieržať rakietku, a Domračievu instruktirovał pieried jejo čiempionskoj honkoj.