Chutka prahramisty stanuć niepatrebnyja, ich zamienić štučny intelekt — kiraŭnik NVIDIA
Na dumku Džensiena Chuanha, uličvajučy tempy raźvićcia niejrasietak, usiu pracu za prahramistaŭ u budučyni budzie vykonvać štučny intelekt. Movaj prahramavańnia stanie zvyčajnaja ludskaja, miarkuje jon.
U čas svajho vystupleńnia na kanfierencyi World Government Summit u Dubai kiraŭnik kampanii NVIDIA Džensien Chuanh (Jensen Huang) raskazaŭ pra svajo bačańnie budučyni adukacyi ŭ śfiery infarmacyjnych technałohij.
«Apošnija 10—15 hadoŭ amal kožny, chto siadzieŭ na takoj scenie, kazaŭ, što vašym dzieciam žyćciova nieabchodna vyvučać infarmatyku. Kožny pavinien navučycca prahramavańniu. Nasamreč situacyja — z dakładnaściu da naadvarot.
Naša zadača — stvarać takuju kampjutarnuju technałohiju, kab nikomu nie davodziłasia prahramavać, kab movaj prahramavańnia była zvyčajnaja ludskaja. Zaraz usie na śviecie buduć prahramistami. U hetym i zaklučajecca cud štučnaha intelektu. Upieršyniu za ŭvieś čas my pieraadoleli technałahičny razryŭ. I mienavita z hetaj pryčyny tak šmat ludziej mohuć vykarystoŭvać štučny intelekt», — zajaviŭ Chuanh.
Na dumku kiraŭnika NVIDIA, siońnia treba inviestavać u nabyćcio vopytu ŭ takich halinach, jak sielskaja haspadarka, bijałohija, vytvorčaść i adukacyja. Ciapier važna dobra raźbiracca ŭ kankretnaj halinie, dzie čałaviek moža vykarystoŭvać dapamohu technałohij štučnaha intelektu dla pieraadoleńnia prablem i pošuku inavacyjnych rašeńniaŭ, jakija raniej zapatrabavali b šmat času i pracoŭnaj siły.
«Tyja ludzi, jakija raźbirajucca ŭ svajoj śfiery, zaraz zmohuć vykarystoŭvać lohka dastupnyja technałohii. Ciapier u ciabie jość kampjutar, jaki budzie rabić toje, što ty jamu skažaš, kab dapamahčy aŭtamatyzavać tvaju pracu i pavysić tvaju pradukcyjnaść», — adznačyŭ Chuanh.
Kiraŭnik NVIDIA źviarnuŭ uvahu na toje, što ciapier nieabchodna pavyšać kvalifikacyju kožnaha ŭ vykarystańni štučnaha intelektu:
«Vielmi važna pavysić kvalifikacyju kožnaha. I ja ŭpeŭnieny, što praces pavyšeńnia kvalifikacyi budzie cudoŭnym. Dziŭna ŭśviedamlać, što kampjutar moža vykonvać usie tyja dziejańni, jakija vy jamu daručajecie».
Na pytańnie, jakoj śpiecyjalnaści jon by paraiŭ zaraz navučycca, Chuanh adkazaŭ, što kali b jon pačynaŭ usio spačatku, to pryśviaciŭ by siabie vyvučeńniu bijałohii čałavieka.
Adnak niekatoryja analityki adznačajuć, što ŭ Chuanha značna bolš pryčyn dla taho, kab raschvalvać pieravahi štučnaha intelektu, čym u jakoj inšaj kampanii.
Schavanym matyvam moža być žadańnie dahadzić inviestaram i akcyjanieram NVIDIA, jakaja dziakujučy svajmu abstalavańniu, pryznačanamu dla inšych bujnych technałahičnych kampanij, što zajmajucca stvareńniem i daśledavańniem štučnaha intelektu, u siaredzinie lutaha hetaha hoda stała čaćviortaj pa kapitalizacyi ŭ śviecie, abahnaŭšy takich hihantaŭ, jak Alphabet (Google) i Amazon.
Čytajcie jašče:
ZŠA zabaranili pastaŭki čypaŭ u Biełaruś i nie tolki
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary
a taki lubimy Dizajnierom moj muž jašče hadoŭ 8-10 tamu kazaŭ, što prahramisty ŭ budučyni buduć niepatrebny. jon kazaŭ - "buduć inžyniery-prahramisty. bo mnie praściej samomu b było zrabić, čym rastłumačyć našym prahramistam, što mnie treba. ale mnie trochi nie chapaje viedaŭ u prahramavańni"