Termin padačy padatkovaj dekłaracyi praciahnuli na adzin dzień
Termin padačy padatkovych dekłaracyj fizičnymi asobami ŭ Biełarusi padoŭžany da 1 krasavika, h.zn. na dzień. Zrabili heta praz toje, što 31 sakavika sioleta vypała na niadzielu, raspavioŭ načalnik Hałoŭnaha ŭpraŭleńnia padatkaabkładańnia fizičnych asob Ministerstva padatkaŭ i zboraŭ Andrej Kavaleŭski ŭ pres-centry Doma presy.
Padavać dekłaracyju abaviazanyja tyja, chto pryznany padatkovym rezidentam Biełarusi ŭ 2023 hodzie i atrymaŭ dachody za miažoj. Heta značyć usie, chto pražyvaŭ na terytoryi Biełarusi 183 dni i bolš niezaležna ad hramadzianstva.
Zamiežnymi krynicami dachodu ličacca lubyja srodki, atrymanyja za miažoj. Heta zarobak, uznaharodžańnie za pracu, biznes-dziejnaść za miažoj, pracenty pa zamiežnych rachunkach, vyjhryšy ŭ zamiežnych kazino, uklučajučy anłajn-kazino.
U pieralik uklučany taksama padarunki ad fizičnych asob na sumu, jakaja pieravyšaje 9338 rubloŭ, i prodaž majomaści.
Zapłacić padachodny padatak treba budzie nie paźniej za 3 červienia.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary