Donald Tramp lohka pieramoh na respublikanskich kokusach u Mičyhanie, a taksama ŭ štatach Misury i Ajdacha, piša BBC.
Kokusy — schod prychilnikaŭ i členaŭ partyi. U adroźnieńnie ad prajmieryz, jakija pravodziać ułady Štataŭ pierad prezidenckimi vybarami ŭ ZŠA, kokusy ładzić partyjny aparat. Ad ich vynikaŭ zaležyć hałasavańnie za kandydata ŭ prezidenty na zjeździe (jon projdzie letam).
Va ŭsich troch štatach Tramp razhramiŭ Niki Chejli, svajho apošniaha supiernika na pasadu prezidenta ad Respublikanskaj partyi, nabliziŭšysia da taho, kab stać kandydatam.
Pa danych Respublikanskaj partyi štata, u Mičyhanie Tramp apiaredziŭ Chejli va ŭsich 13 akruhach, jakija prymali ŭdzieł u kokusach pa vyłučeńni kandydataŭ. Jon pieramoh, atrymaŭšy amal 98% padtrymki (1575 hałasoŭ suprać usiaho 36 za Chejli).
U Chejli zakančvajecca čas, kab źmianić chod honki za vyłučeńnie ad Respublikanskaj partyi. «Supieraŭtorak» 5 sakavika — samy važny dzień prajmieryz, kali buduć hałasavać 15 štataŭ.
Majučy za plačyma pieramohi ŭ Ajovie, Ńju-Hempšyry, Nievadzie, Virhinskich astravach ZŠA, Paŭdniovaj Karalinie, a ciapier jašče i ŭ Mičyhanie, Misury i Ajdacha, Tramp staŭ biassprečnym lidaram honki, a Chejli trymajecca dziakujučy padtrymcy z boku sponsaraŭ, zacikaŭlenych u alternatyvie byłomu prezidentu.
Ciapier čytajuć
Łukašenka patłumačyŭ, čamu jaho nie vidać pa sieradach i subotach19
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Ci miesca Trampa ŭ turmie vyrašyć sud. Kidać niekaha ŭ turmu biez suda - niezakonna.