«Biełaruśkalij» znoŭ pasprabavaŭ razmarozić praz sud svaje akcyi ŭ terminale ŭ Kłajpiedzie
«Biełaruśkaliju» nie ŭdałosia vyjhrać sprečku z Rejestravym centram Litvy nakont jaho zamarožanych aktyvaŭ u vyhladzie 30% akcyj Kłajpiedskaha terminału nasypnych hruzaŭ, pišuć litoŭskija ŚMI sa spasyłkaj na ahienctva BNS.
6 sakavika rehijanalny administracyjny sud Litvy adchiliŭ skarhu «Biełaruśkalija», pastanaviŭšy, što danyja ab zamarožanych akcyjach adpaviadajuć dakumientam, na padstavie jakich ich tudy ŭnieśli. Tamu jany nie mohuć ličycca pamyłkovymi i nie padlahajuć vypraŭleńniu.
Rašeńnie suda moža być abskardžanaje ŭ Viarchoŭnym administracyjnym sudzie Litvy na praciahu 30 dzion.
«Biełaruśkalij» śćviardžaŭ u sudzie, što ŭ pačatku sakavika 2023 hodu paprasiŭ Rejestravy centr vypravić nibyta pamyłkovyja danyja ŭ rejestry ab prymianieńni abmiežavalnych mier u dačynieńni da kampanii jak akcyjaniera Kłajpiedskaha terminała. Na dumku «Biełaruśkalija», kiravanyja im akcyi nie mohuć być zamarožanyja ŭ adpaviednaści ź mižnarodna-pravavymi normami, pakolki jany abaronienyja pahadnieńniem pamiž uradami Biełarusi i Litvy ab zaachvočvańni i abaronie inviestycyj.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary