Dva afhancy padalisia na biežanstva ŭ Jeŭropie, ale paśla im zakarcieła ŭ Biełaruś
U polskaj Hajnaŭcy miascovyja pamiežniki zatrymali dvuch hramadzian Afhanistana, jakija mieli namier nielehalna pierajści polska-biełaruskuju miažu, choć da hetaha paśpiachova padali dakumienty na biežanstva ŭ krainach Zachodniaj Jeŭropy.
9 sakavika palicejski patrul spyniŭ dla kantrolu aŭtamabil Opel na polskich numarach. Za rulom znachodziŭsia 30-hadovy ŭkrainiec, a jahonymi pasažyrami byli dvoje afhancaŭ 23 i 24 hadoŭ. Kiroŭca rastłumačyŭ, što zabraŭ ich u Bierlinie i pavinien byŭ davieźci da polska-biełaruskaj miažy.
Vyklikanyja pamiežniki vyśvietlili, što adzin z afhancaŭ pierad tym zapytaŭ mižnarodnuju abaronu ŭ Hiermanii, a druhi — u Aŭstryi. Pakul ich spravy razhladalisia, jany nie mahli nikudy pieramiaščacca za miežy hetych krain navat pa terytoryi Jeŭrasajuza, a tut źbiralisia nielehalna pierajści miažu i trapić u Biełaruś.
Ale, jak ni dziŭna, apošnim časam heta nie adzinkavy padobny vypadak, zafiksavany polskimi pamiežnikami. Jany miarkujuć, što mihranty viartajucca ŭ Biełaruś, kab dapamahčy trapić u Jeŭrasajuz inšym svaim suajčyńnikam.
Ciapier pa rašeńni suda hramadzianie Afhanistana adpraŭlenyja ŭ centr dla mihrantaŭ u Biełastoku, a ŭkrainiec pavinien budzie pakinuć nie tolki Polšču, ale i na piać hadoŭ usiu šenhienskuju zonu.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach9
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary