U MDŁU prymušajuć hladzieć film pra «patryjatyčnych lekaraŭ, jakija nie chočuć na Zachad». U chod iduć pahrozy
Adrazu niekalki čałaviek paviedamili «Našaj Nivie», što supracoŭnikaŭ i studentaŭ Linhvistyčnaha ŭniviersiteta pačali zahaniać na prapahandyscki film «List čakańnia», jaki zaklikaje maładych śpiecyjalistaŭ nie źjazdžać ź Biełarusi. Admovicca ad prahladu składana.
Jak raskazvajuć krynicy, administracyja Minskaha dziaržaŭnaha linhvistyčnaha ŭniviersiteta pačała prymusova zahaniać studentaŭ, vykładčykaŭ i inšych supracoŭnikaŭ VNU na prahlad filma «List čakańnia» (ad «Biełaruśfilma»), dzie prapahandujecca admova ad emihracyi na Zachad siarod maładych śpiecyjalistaŭ.
«Kali student admaŭlajecca, jaho prymušajuć pisać tłumačalnuju, a kali jon źjazdžaje dadomu ŭ inšy horad, to prymušajuć pakazvać kvitki dla paćvierdžańnia jahonych słovaŭ. Tym, chto admaŭlajecca, kažuć, što im usio roŭna pakažuć film i prymusiać pa im napisać ese», — raspaviała adna z krynic.
Jašče adna krynica adznačyła, što ludziej užo niekalki dzion vodziać na film hrupami pa niekalki čałaviek i što kvitki na jaho zakupiŭ rektarat MDŁU.
«Vodziać na film i supracoŭnikaŭ administracyi», — zajaviła inšaja krynica.
Sam film byŭ źniaty studyjaj «Biełaruśfilm» i vypuščany ŭ 2023 hodzie. Pavodle siužeta «Lista čakańnia», małady lekar choča emihravać u Hiermaniju dziela vysokich zarobkaŭ, a jaho ŭvieś film paśpiachova adhavorvajuć.
Aŭtar filma — Alaksandr Jafremaŭ, kiraŭnik Teatra-studyi kinaakciora, viadomy svaimi praŭładnymi zajavami i suviaziami ŭ Administracyi Łukašenki.
Prablema adjezdu ź Biełarusi kvalifikavanych miedycynskich kadraŭ paŭstała praz šyrokamaštabnyja represii i saŭdzieł našaj krainy ŭ vajnie Rasii z Ukrainaj. Dla biełaruskich daktaroŭ na radzimie nie vyrašanyja ekzistencyjalnyja prablemy, a pieradusim prablema biaśpieki, i mnohija źjazdžajuć jakraz dziela hetaha. Tamu spadziavacca na toje, što ich ad hetaha kroku buduć spyniać pryhładžanyja ideałahičnyja tvory, nijak nie vypadaje.
«Naša Niva» — bastyjon biełaruščyny
PADTRYMAĆPahladzieli film «Na inšym bierazie». Raskazvajem siužet i toje, što pabačyli ŭ kinateatry
Novaje zapryhońvańnie miedykaŭ: ułady mianiajuć praviły ardynatury — z adpracoŭkaj piać hadoŭ i hihanckimi štrafami
«Pa asabistym ukazańni nie ŭziali na pracu». Čym zajmajucca ŭ biełaruskich VNU prarektary pa biaśpiecy i pry čym tut KDB
«Ja nie hatovaja pracavać za ideju». Jak minskija studenty reahujuć na navinu, što ŭ Biełarusi ŭviaduć abaviazkovaje raźmierkavańnie dla płatnikaŭ
«Pražyć miesiac na stypiendyju atrymałasia, ale heta było vielmi sumna». Biełaruskija studenty raskazali, jak jany žyvuć i kolki traciać
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary