Vajskovuju dapamohu Ukrainie akazvaje kraina, niezaležnaści jakoj jana nie pryznaje
Kosava akaža Ukrainie novy pakiet vajskovaj dapamohi, pieradaŭšy joj minamiotnyja snarady. Pra heta zajaviŭ ministr abarony hetaj tolki častkova pryznanaj śvietam dziaržavy Ejup Mačedoncy. Jon abviaściŭ pra nadańnie hetaj dapamohi padčas 20-ha pasiadžeńnia kantaktnaj hrupy pa pytańniach abarony Ukrainy ŭ farmacie «Ramštajn».
Pa słovach Mačedoncy, pieršy pakiet z hruzavikami i bronietechnikaj adpraviać va Ukrainu na nastupnym tydni.
«Kosava budzie praciahvać padtrymlivać Ukrainu ŭ jaje hieraičnaj vajnie suprać rasijskaj ahresii», — napisaŭ u sacsietkach kosaŭski ministr.
Cikava pry hetym, što Ukraina dahetul nie pryznała niezaležnaści Kosava, abvieščanaj 16 hadoŭ tamu, u lutym 2008 hoda. Farmalna ŭ vačach aficyjnaha Kijeva jano zastajecca častkaj Sierbii, jakaja akazvać vajskovuju dapamohu Ukrainie akurat nie śpiašajecca, pa roznych pryčynach bolš simpatyzujučy jaje vorahu — Rasii.
20-je pasiadžeńnie ministraŭ abarony zachodnich krain ŭ farmacie «Ramštajn» adbyłosia 19 sakavika. Padčas jaho šerah krain abviaścili pra nadańnie vajskovaj dapamohi Ukrainie. Pra heta zajavili, naprykład, takija krainy, jak Hiermanija, Kanada, Estonija i Luksiemburh.
Ministr abarony Ukrainy Rustem Umieraŭ pa vynikach sustrečy zajaviŭ, što kaalicyja krain-partnioraŭ padčas 20-ha pasiadžeńnia ŭ farmacie «Ramštajn» «prademanstravała svajo adzinstva i aktyŭnaść u dapamozie Ukrainie». Sajuźniki paabiacali dać ukraincam bojeprypasy i rakiety supraćpavietranaj abarony.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary