U Rasii pad inšym brendam adnavili vypusk papularnych u nas biudžetnikaŭ Hyundai i KIA. Novaja nazva i ceny
Na zavodzie ŭ Sankt-Pieciarbuhu, dzie da 2022-ha vyrablali Hyundai i Kia, znoŭ pačali vypuskać papularnyja ŭ biełarusaŭ aŭtamabili karejskich brendaŭ KIA i Hyundai. Praŭda, vypuskać ich buduć pad šyldzikami Solaris.
Jak karejski aŭtavytvorca «syšoŭ» z Rasii
Da prypynieńnia pracy z 1 sakavika 2022 hoda na rasijskim zavodzie Hyundai vypuskali čatyry madeli aŭto: Hyundai Solaris, Hyundai Creta, Kia Rio i RioX.
U 2021 hodzie Kia Rio zajmała treciaje miesca pa prodažach novych aŭto ŭ Biełarusi, dźvie madeli Hyundai — Creta i Accent — 10-je i 12-je miescy adpaviedna.
Amal praz dva hady paśla spynieńnia pracy stała viadoma, što karejcy pradali 100% aktyvaŭ rasijskaj kampanii «Art-Finans».
Aproč źmieny ŭłaśnika i nazvy jurydyčnaj asoby, źmianiłasia i marka aŭtamabilej, jakija buduć vypuskać na zavodzie. Ale inšyja tolki nazva i šyldziki.
Jak i raniej, na zavodzie buduć vypuskać tyja samyja madeli aŭto, tolki ŭžo pad brendam Solaris. Nad nazvaj novaha brendu asabliva nie zamaročvalisia. Tak nazyvałasia papularnaja madel Hyundai, jakaja ŭ Biełarusi pradavałasia pad nazvaj Accent.
Novyja nazvy vyhladajuć tak: Solaris HS — zamiest Hyundai Solaris, Solaris HC — heta Hyundai Creta, Solaris KRS budzie były KIA Rio Sedan, a Solaris KRX zamienić KIA Rio X. Ź vizualnaha i techničnaha punktu hledžańnia heta tyja ž aŭto.
Novyja ceny
Pieršymi ŭ prodaž pavinien pastupić siedan Solaris HS. U Rasii popyt na hetyja mašyny nastolki vialiki, što pieršaja partyja aŭto była raspradadziena za adzin dzień. U Rasii ceny na Solaris HS (Hyundai Accent) u zaležnaści ad kamplektacyi vahajucca ŭ miežach 1,9 — 2,3 młn rasijskich rubloŭ. Heta ad 20 000 da 24 000 dalaraŭ.
Taksama viadomyja ceny na Solaris HC (Hyundai Creta). Karejska-rasijskija parkietniki buduć pradavać pa cenach ad 2,9 da 3,2 miljona rasijskich rubloŭ. Heta kala 30 500—33 700 dalaraŭ ZŠA).
Kali novy brend źjavicca ŭ Biełarusi?
Data prychodu karejskich aŭtamabilaŭ rasijskaj vytvorčaści, što vypuskajucca pad novym brendam, u našu krainu pakul nieviadomaja.
Biełaruskija dylery Hyundai kažuć, što nie varta čakać chutkaha viartańnia raniej viadomych madelaŭ na naš rynak. A kali hetyja aŭto i źjaviacca ŭ aficyjnym prodažy, to ich realizacyja budzie adbyvacca nie ŭ sałonach Hyundai, a pradavacca asobna, pakolki farmalna heta inšy brend.
Zavod Hyundai z poŭnym vytvorčym cykłam zapuścili ŭ Sankt-Pieciarburhu ŭ 2010 hodzie.
Pavodle aficyjnych źviestak, technałahičny praces pradpryjemstva ŭklučaje ŭ siabie štampoŭki bujnych kuzaŭnych panelaŭ, zvarku, afarboŭku kuzava i zborku hatovaha aŭtamabila.
Čytajcie taksama:
«Bieź ilhot!» U Biełarusi pačali pradavać mašyny, razmytnienyja admysłova dla pierahonu ŭ Rasiju
Jeŭrapiejski sud źniaŭ sankcyi z «Biełšyny»
Jak źmianilisia terminy i ceny na dastaŭku hruzaŭ ź Jeŭropy ŭ Biełaruś paśla zakryćcia dvuch punktaŭ propusku?
Ciapier čytajuć
Ajcišnica, jakaja viarnułasia z emihracyi, pachvaliłasia, što idzie vystupić na ANT — u kamientarach adkryŭsia partał u piekła17
Kamientary
Tiem boleje, čto eti mašiny nie budut obnovlaťsia (staŕjo), a cieńnik vyros v 1,5-2 raza za staŕjo. Pri takich raskładach nie smotriat ni na zło, ni na dobro.