U Litvie stvaryli pietycyju z prośbaj zabiaśpiečyć svabodu pieramiaščeńnia praź miažu ź Biełaruśsiu
Ciapierašnija mahčymaści pierasiačeńnia miažy Litvy i Biełarusi nielha nazvać svabodaj pieramiaščeńnia, heta katavańnie dla ludziej i stvareńnie surjoznych pieraškod, ličyć Eduardas Jonis, aŭtar pietycyi da Siejma i ŭrada Litvy. Dakumient apublikavany na sajcie peticijos.lt 19 sakavika.
«Ministerstva nacyjanalnaj abarony, Dziaržaŭnaja pamiežnaja słužba i inšyja źviazanyja ź imi arhanizacyi, vykarystoŭvajučy palityčnuju kanjunkturu, sprabujuć spravicca sa svajoj niazdolnaściu kantralavać situacyju šlacham zakryćcia punktaŭ propusku, što niepasredna zakranaje intaresy ludziej, asabliva žycharoŭ pamiežža. Nie było nijakaha abmierkavańnia z hetaj hrupaj nasielnictva, vysłuchoŭvańnia prapanoŭ, pažadańniaŭ», — skazana ŭ tekście pietycyi.
Aŭtar prapanuje siem punktaŭ, na jakija musiać źviarnuć uvahu litoŭskija ŭłady dla palapšeńnia situacyi na miažy. Siarod ich zabieśpiačeńnie bieśpieraškodnaha ruchu praz astatnija punkty propusku, kab pierasiačeńnie miažy nie pieratvarałasia ŭ prynižeńnie čałaviečaj hodnaści i fizičnyja katavańni. Jon prapanuje maksimalny termin čakańnia — dźvie-try hadziny ŭ ekstranych vypadkach. Taksama stvaralnik pietycyi ličyć, što praces pierasiačeńnia miažy paskoryła b admiena čakańnia ŭ ahulnaj čarzie dla aŭtamabilaŭ u čyrvonym i zialonym kalidorach.
Akramia taho, prapanujecca dazvolić pierasiakać miažu na rovary i pieššu, arhanizavać «cyvilizavanyja zony čakańnia», «a nie pad daždžom kala šłahbauma». Prosić aŭtar arhanizavać taksama dastatkovuju kolkaść pasažyrskich aŭtobusaŭ i zabiaśpiečyć ich prajezd biez čerhaŭ. Jość taksama punkt z prapanovaj zvolnicca tym supracoŭnikam, jakija nie mohuć pracavać, nie parušajučy intaresaŭ i pravoŭ hramadzian.
Za sutki pietycyja sabrała bolš za 500 podpisaŭ.
Jak źmianilisia terminy i ceny na dastaŭku hruzaŭ ź Jeŭropy ŭ Biełaruś paśla zakryćcia dvuch punktaŭ propusku?
Bujny pieravozčyk raskazaŭ, što z aŭtobusami ŭ ES paśla zakryćcia «Katłoŭki» i «Pryvałki»
Z Hrodna ŭ Biełastok — za 43 hadziny. Biełaruski aŭtobus pastaviŭ rekord pa časie na miažy
«Aŭtobus byŭ zabity jak na Novy hod». Jak z pajezdkami za miažu paśla zakryćcia dvuch prapusknych punktaŭ?
Hruzavikoŭ šmat, lehkavych mała. Što adbyvajecca na miežach Biełarusi praz tydzień paśla zakryćcia dvuch punktaŭ propusku
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary