Siłaviki zatrymali brata Dzianisa Urbanoviča Maksima dva dni tamu, paviedamlajuć krynicy «Biełsata». Pa ich infarmacyi, niezadoŭha da zatrymańnia supracoŭniki HUBAZiK prajšlisia pa svajakach Dzianisa Urbanoviča.
Pakul Maksim Urbanovič znachodzicca ŭ śledčym izalatary. Chutčej za ŭsio suprać jaho zaviedziena kryminalnaja sprava pa troch artykułach, ale pa jakich kankretna, pakul nieviadoma. Svajaki nie dajuć nijakich kamientaroŭ nakont hetaj situacyi.
Jak paviedamlałasia, u sakaviku 2023 hoda da baćki Dzianisa Urbanoviča, jaki žyvie ŭ Biełarusi, prychodzili siłaviki i prymusili jaho zapisać videa, na jakim mužčyna źviartajecca da syna z prośbaju, kab toj kapitulavaŭ i viartaŭsia na radzimu: «Adsiadziš dziasiatku jakuju, nu i čort ź im, zatoje budzieš žyć na radzimie». U telehram-kanale siłavikoŭ śćviardžali, što na Dzianisa zaviali kryminalnuju spravu za siabroŭstva ŭ «Maładym froncie», jaki ŭłady Biełarusi pryznali ekstremisckim farmavańniem.
Dzianisu Urbanoviču 34 hady. Jon byŭ čaćviortym staršynioj «Maładoha frontu». Padčas prezidenckich vybaraŭ 2015-ha źniaŭ dziaržaŭny ściah z budynku vybarčaha ŭčastku ŭ vioscy Korańščyna. Da 29 žniŭnia 2017 hoda adbyvaŭ pakarańnie na «chimii». U 2018-m braŭ udzieł u abaronie Kurapataŭ. U 2022-m paśla ŭvarvańnia Rasii va Ukrainu pajechaŭ na front, vajuje ŭ bataljonie «Vołat» z pazyŭnym Vaŭkałak. Niahledziačy na čatyry ranieńni i try kantuzii, praciahvaje vajavać na pieradavoj u zonie bajavych dziejańniaŭ.
«Kab nadpis na pomniku byŭ na biełaruskaj movie». Biełaruskija dobraachvotniki pra zapaviet na vypadak hibieli
«Mnie treba być z chłopcami». Dzianis Urbanovič paśla piaci ranieńniaŭ viarnuŭsia na front
«Heta śmiech prosta». Urbanovič skieptyčna acaniŭ zajavy štaba Pałka Kalinoŭskaha ab vyzvaleńni Biełarusi
Ciapier čytajuć
Łukašenka patłumačyŭ, čamu jaho nie vidać pa sieradach i subotach2
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Śnicca im načami, jak Vaŭkałak-Urbanovič z aŭtamatam adčyniaje dźviery ich spalni...