Mužčyna na Mahiloŭščynie raźbiraŭ zajca i padchapiŭ niebiaśpiečnuju chvarobu
U Škłoŭskim rajonie čałaviek zaraziŭsia redkaj infiekcyjaj, raźbirajučy zajca biez palčatak. Padrabiaznaści raskazali ŭ Mahiloŭskim abłasnym centry hihijeny, epidemijałohii i hramadskaha zdaroŭja.
Žychar Mahilova, jaki ciapier časova žyvie ŭ Škłoŭskim rajonie, raźbiraŭ tušu zajca, paśla čaho ŭ jaho dyjahnastavali niebiaśpiečnaje zachvorvańnie — tularemiju.
«Infikavańnie adbyłosia kantaktnym šlacham pry raźbirańni tušy biez vykarystańnia palčatak», — prakamientavali epidemijołahi.
Z momantu zaražeńnia tularemijaj da źjaŭleńnia kliničnych prajaŭ zvyčajna prachodzić ad 3 da 7 dzion. Infiekcyja bje pa limfatyčnych vuzłach, skury, časam pa ślizistych abałonkach vačej, hłotcy, lohkich i straŭnikava-kišečnamu traktu. U chvoraha nazirajucca vyjaŭlenyja simptomy ahulnaj intaksikacyi, praciahłaja lichamanka i limfadenit.
Zaražeńnie tularemijaj u sučasnaj Biełarusi sprava redkaja, štohod u krainie rehistrujuć tolki adzinkavyja vypadki tularemii. Naprykład, u Mahiloŭskaj vobłaści za apošnija 17 hadoŭ było zarehistravana ŭsiaho 14 vypadkaŭ zaražeńnia.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary