Paleski čorny busieł znajšoŭsia ŭ Partuhalii. Heta niezvyčajna
U listapadzie 2023 hoda ptuškarka Isa Kabesińjas (Isa Cabecinhas) nazirała čornych busłoŭ u Partuhalii. U adnaho z čornych busłoŭ było kolca z numaram 3V53 — jon jašče ptušaniom byŭ akalcavany na hniaździe na Paleśsi ŭ Biełarusi ŭ lipieni 2022 hoda, piša «Dzikaja pryroda pobač».
U Jeŭropie ŭ busłoŭ i mnohich inšych ptušak jość dźvie hrupoŭki, jakija laciać u Afryku padčas siezonnaj mihracyi roznymi šlachami.
Ptuški z Zachodniaj Jeŭropy laciać praz Hibrałtar zachodnim šlacham. Ptuški z Uschodniaj Jeŭropy — uschodnim šlacham praz Basfor. Našy busły laciać jakraz uschodnim šlacham. Tamu vielmi cikava, što naš čorny busieł apynuŭsia na zimoŭcy ŭ Partuhalii.
Napramki mihracyi ŭ ptušak zakładzienyja na hienietyčnym uzroŭni. Mahčyma, hety čorny busieł — hibryd ptušak z uschodniaj i zachodniaj hrupoŭki. Mahčyma taksama, što zachodniaja hrupoŭka zasialaje častkova zachad Biełarusi.
Kab atrymać bolš infarmacyi pra mihracyi čornych busłoŭ, treba kalcavać ptušak kalarovymi kolcami ci viešać na ich bolš spadarožnikavych pieradatčykaŭ.
Zaraz ź biełymi busłami pačali viartacca i čornyja. Naziraj za niebam uvažliva, sustrakaj busłoŭ na radzimie!
Elehantnaje rašeńnie: niezvyčajnyja «kvatery» dla busłoŭ stvarajuć u Breście
U viosku Mahiloŭskaha rajona na Kalady prylacieŭ busieł
«Adbicca ad drapiežnika, utraja bujniejšaha za ciabie, — heta vielmi kruta». Jak paleskaje arlania ździviła navukoŭcaŭ
U Dubrovienskim rajonie nie palacieŭ u vyraj całkam zdarovy busieł. Vinavaciać ludziej
Kamientary