Kamanda audiobooks.by prezientavała piać aŭdyjaknih Vasila Bykava pa-biełarusku, piša budzma.org. «Hetych knih albo nie było ŭvohule ŭ aŭdyjafarmacie, albo byli tolki pa-rusku», — adznačaje kamanda audiobooks.by.
Upieršyniu ŭ poŭnym varyjancie možna pasłuchać aŭtabijahrafičnuju knihu «Doŭhaja darohu dadomu». Heta apošniaja i najbolš spaviadalnaja kniha Vasila Bykava. Jana była napisana na schile hadoŭ i na čužynie, kali išoŭ apošni akt dramy piśmieńnika: u 1998 h. jon vymušany byŭ pakinuć Biełaruś. Finlandyja, Hiermanija, Čechija — hetyja krainy dali prystanišča tamu, kaho na radzimie nazyvali sumleńniem nacyi.
Raniej hetuju knihu častkova načytaŭ sam aŭtar i jaje možna pasłuchać na Radyjo Svaboda.
Akramia taho, u sieryi aŭdyjaviersija «Miortvym nie balić» padajecca ŭ aŭtarskaj niepadcenzurnaj redakcyi, jakaja raniej vychodziła na papiery dziakujučy bijohrafu Bykava Siarhieju Šapranu.
U sieryju aŭdyjaknih Vasila Bykava ŭvajšli:
Pasłuchać knihi možna na padkastach, jutubie i bujnych aŭdyjaknižnych placoŭkach.
Knihi buduć zastavacca biaspłatnymi ciaham minimum dźviuch hadoŭ.
Aŭdyjaknihi načytali prafiesijnyja biełaruskija aktor_ki.
Vokładki da aŭdyjaknih padrychtavaŭ Artur Vakaraŭ.
Dostup da staronki moža być abmiežavany z terytoryi Biełarusi, varta skarystacca VPN.
Usie aŭdyjaknihi Vasila Bykava pa spasyłcy.
Minhandlu vypadkova źliło dakumient, u jakim pakazała, jak i za što naličvaje premii11
Kamientary