Vypusknikam jašče dvuch licejaŭ dazvolili pastupać u svaje VNU biez ekzamienaŭ
Vypuskniki licejaŭ Biełaruskaha nacyjanalnaha techničnaha ŭniviersiteta i Viciebskaha dziaržaŭnaha ŭniviersiteta imia Mašerava ŭ vypadku vydatnaj paśpiachovaści zmohuć pastupać u svaje VNU biez vyprabavańniaŭ. Pra heta žurnalistam paviedamiŭ načalnik Hałoŭnaha ŭpraŭleńnia prafiesijnaj adukacyi Ministerstva adukacyi Siarhiej Piščoŭ, piša BiełTA.
«Krychu pašyranyja mahčymaści pastupleńnia vypusknikoŭ licejaŭ pry ŭstanovach vyšejšaj adukacyi. Kali letaś pastupać u svaje alma-mater pry vydatnaj paśpiachovaści biez ekzamienaŭ mahli vypuskniki liceja BDU, liceja Biełaruska-Rasijskaha ŭniviersiteta i liceja Paleskaha dziaržaŭnaha ŭniviersiteta, to sioleta ŭ hety pieralik dadadzienyja licej Viciebskaha dziaržaŭnaha ŭniviersiteta imia Mašerava i Biełaruskaha nacyjanalnaha techničnaha ŭniviersiteta», — raskazaŭ Siarhiej Piščoŭ.
Jon nahadaŭ, što ŭmovy dla hetaha zastalisia raniejšyja:
«Pastupać vypuskniki hetych licejaŭ u svaje VNU mohuć u vypadku, kali ŭ ich u dakumiencie ab adukacyi majucca adznaki nie nižej za 8, a pa vučebnych pradmietach, jakija adpaviadajuć profilnym pradmietam ustupnych vyprabavańniaŭ — nie nižej za 9. Hetyja ŭmovy nieabchodna vytrymlivać», — padkreśliŭ pradstaŭnik Minadukacyi.
Čytajcie taksama:
Vypusknikam profilnych kłasaŭ dazvolili pastupać na adpaviednyja śpiecyjalnaści biez ekzamienaŭ
Eks-dyrektar Liceja BDU pra nadańnie imia Dziaržynskaha: Duchu liceja tam užo niama
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary