Sužency vieźli tabletki dla znajomych z-za miažy. Akazałasia, vieźli psichatropy
U aŭtamabili siamiejnaj pary, jakaja jechała z Łatvii ŭ Biełaruś, supracoŭnikami Viciebskaj mytni znojdzieny tabletki, jakija vyklikali padazreńni ŭ zakonnaści ich pieramiaščeńnia.
Upakoŭki kanfiskavali i nakiravali va ŭpraŭleńnie Dziaržaŭnaha kamiteta sudovych ekśpiertyz. Ekśpiert ustanaviŭ, što ŭ składzie tabletak, jakija znachodzilisia va ŭpakoŭcy z nadpisam Lucetam, utrymlivajecca psichatropnaje rečyva «kłonaziepam». U składzie lekavych preparataŭ Clonazepam i Bromazepam byli vyjaŭlenyja adpaviednyja naźvie psichatropnyja rečyvy.
Siamiejnaja para rastłumačyła, što pieravoziła lekavyja preparaty pa prośbie svaich znajomych.
Rečyvy, znojdzienyja ŭ tabletkach, uvachodziać u pieralik psichatropnych rečyvaŭ, za niezakonny abarot jakich na terytoryi Biełarusi, a taksama niezakonnaje pieramiaščeńnie praz mytnuju hranicu JEAES i dziaržaŭnuju hranicu Respubliki Biełaruś, ustanoŭlena kryminalnaja adkaznaść. Ci zaviedzienaja kryminalnaja sprava, nie paviedamlajecca.
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary
No dla nasielenija hłavnoje chleb mołoko i kołbasa plus śpički i sol s sacharom i šo by było ticho