27 sakavika stała viadoma, što biełaruskaja siamja atrymała słavienski pašpart zamiežnika (Potni list za tujca) dla svajho 9-hadovaha syna. Heta pieršy viadomy vypadak atrymańnia biełarusam takoha dakumienta ŭ Słavienii, paviedamlajuć «Narodnyja ambasady Biełarusi».
Paśla padpisańnia Łukašenkam ukaza №278, jaki zabaraniaje pasolstvam Biełarusi vydavać pašparty, Narodnaja ambasada Biełarusi ŭ Słavienii padrychtavała instrukcyju pra atrymańnie pašparta inšaziemca. Umovami dla atrymańnia dakumienta źjaŭlajecca najaŭnaść dazvołu na žycharstva i niemahčymaść atrymać pašpart svajoj krainy.
«Razumiejučy, što termin dziejańnia pašparta syna zakančvajecca ŭ červieni 2024 hoda, a jechać u Biełaruś niebiaśpiečna, my źviarnulisia ŭ administracyjnuju adzinku, jakaja pa zakonie ab zamiežnikach adkazvaje za vydaču pašpartoŭ. Pieršapačatkova ciažkaści ŭźnikli z-za niedaśviedčanaści supracoŭnika, jaki nakiravaŭ nas u MZS. Viedajem, što inšym biełarusam admovili, bo termin ich biełaruskaha pašparta jašče nie skončyŭsia. Paśla zvarotu ŭ MZS Słavienii my atrymali adkaz ź infarmacyjaj ab pracedury vydačy pašparta zamiežnika, i paśla novaha zvarotu atrymali ciaham tydnia pašpart na 2 hady»,
— padzialiłasia svaim dośviedam biełaruska z Słavienii.
Sa svajho boku Narodnaja ambasada Biełarusi ŭ Słavienii padrychtavała zapyty ŭ MZS, MUS i Upraŭleńnie administracyjnymi adzinkami z prośbaj prajaśnić praceduru, u pryvatnaści kab paźbiehnuć časovaha razryvu ŭ dziejańni dakumientaŭ i pryznavać niebiaśpiečnaść viartańnia ŭ Biełaruś dastatkovaj padstavaj niemahčymaści atrymańnia pašparta na fonie ŭkazu №278.
«U Słavienii žyvie bolš za 400 biełarusaŭ i biełarusak. Pavodle apytańnia siarod biełaruskaj dyjaspary, z prablemaj praterminavanych biełaruskich pašpartoŭ u najbližejšyja dva hady sutyknucca prynamsi 20 čałaviek. U pracesie vyrašeńnia ciapier pytańnie dakumientaŭ dla dziaciej, narodžanych u Słavienii»,
— prakamientavała situacyju z pašpartami pradstaŭnica Narodnaj ambasady Biełarusi ŭ Słavienii Alaksandra Mamajeva.
Machlary sabrali piersanalnyja źviestki tysiač biełarusaŭ zamiežža. Jak tak atrymałasia i pryčym tut pašpart Novaj Biełarusi?
Ź leta možna budzie ŭziać hramadzianstva Hiermanii, nie admaŭlajučysia ad biełaruskaha
Šviecyja budzie vydavać pašparty zamiežnika biełarusam z praterminavanymi dakumientami
Kavaleŭski adkazaŭ na vosiem haračych pytańniaŭ pra pašpart Novaj Biełarusi
Ciapier čytajuć
Polšča pryznała Alaksandra Mašenskaha niepažadanaj asobaj27
Kamientary