U Minsku za miljon rubloŭ pradajuć čatyrochpaviarchovuju kvateru. I heta nie centr horada
Ahulnaja płošča — 308 kvadratnych mietraŭ, žyłaja — 143 mietry, kuchnia — 37 kvadratnych mietraŭ.
Na sajcie abjavaŭ nieruchomaści vyjaviłasia cikavaja kvatera. Jana 4-paviarchovaja (a z ulikam cokalnaha paviercha navat i 5-paviarchovaja), piša Blizko.by.
Usio prosta: kvatera raźmieščana ŭ taunchaŭsie. Heta značyć, u vielmi-vielmi vialikim katedžy na niekalki kvater.
Hety cahlany taunchaus raźmieščany na zavułku Karžanieŭskaha i pabudavany ŭ 2005 hodzie, pobač jašče niekalki anałahičnych. Zusim pobač z domam raźmieščany park Kurasoŭščyna.
«Pradajecca kvatera dla VIP abo dom mary!», — skazana ŭ abjavie.
Taunchaus zajmaje 5 pavierchaŭ (cokalny: padvał, kładoŭki i kacielnia; 1-y — haraž, 2—4 pavierchi — žyłyja). Usiaho ŭ kvatery vosiem pakojaŭ, a haraž źmiaščaje dva aŭtamabili, plus pobač z domam jość stajanka jašče na dźvie mašyny.
Va ŭsim domie padvojnyja škłopakiety, na padłozie plitka i łaminat, dyvanovaje pakryćcio, stoli — hipsakardon. Vyšynia stolaŭ składaje 3,0—3,85 mietra (u zaležnaści ad pavierchu). Sanvuzły jość na kožnym paviersie i ŭ sklepie. Płaniroŭka niekatorych pakojaŭ dazvalaje zrabić «narezku» i na mienšyja pa mietražy pakoi i ŭ cełym vykarystoŭvać kvateru nie tolki jak žyłuju nieruchomaść, ale taksama i jak haściavy dom abo ofisny centr.
Košt kvatery zajaŭleny krychu bolš za miljon rubloŭ (a kankretna — 1.039.936 rubloŭ), heta ekvivalent 320 tysiač dalaraŭ. Atrymlivajecca, adzin kvadratny mietr abydziecca ŭ 1.038 dalaraŭ.
Ciapier čytajuć
Čamu ŭ biełaruskaj turmie tak mocna chudziejuć? Tłumačym8
Kamientary