У Мінску за мільён рублёў прадаюць чатырохпавярховую кватэру. І гэта не цэнтр горада
Агульная плошча — 308 квадратных метраў, жылая — 143 метры, кухня — 37 квадратных метраў.
На сайце аб'яваў нерухомасці выявілася цікавая кватэра. Яна 4-павярховая (а з улікам цокальнага паверха нават і 5-павярховая), піша Blizko.by.
Усё проста: кватэра размешчана ў таунхаўсе. Гэта значыць, у вельмі-вельмі вялікім катэджы на некалькі кватэр.
Гэты цагляны таунхаус размешчаны на завулку Каржанеўскага і пабудаваны ў 2005 годзе, побач яшчэ некалькі аналагічных. Зусім побач з домам размешчаны парк Курасоўшчына.
«Прадаецца кватэра для VIP або дом мары!», — сказана ў аб'яве.
Таунхаус займае 5 паверхаў (цокальны: падвал, кладоўкі і кацельня; 1-ы — гараж, 2—4 паверхі — жылыя). Усяго ў кватэры восем пакояў, а гараж змяшчае два аўтамабілі, плюс побач з домам ёсць стаянка яшчэ на дзве машыны.
Ва ўсім доме падвойныя шклопакеты, на падлозе плітка і ламінат, дывановае пакрыццё, столі — гіпсакардон. Вышыня столяў складае 3,0—3,85 метра (у залежнасці ад паверху). Санвузлы ёсць на кожным паверсе і ў склепе. Планіроўка некаторых пакояў дазваляе зрабіць «нарэзку» і на меншыя па метражы пакоі і ў цэлым выкарыстоўваць кватэру не толькі як жылую нерухомасць, але таксама і як гасцявы дом або офісны цэнтр.
Кошт кватэры заяўлены крыху больш за мільён рублёў (а канкрэтна — 1.039.936 рублёў), гэта эквівалент 320 тысяч даляраў. Атрымліваецца, адзін квадратны метр абыдзецца ў 1.038 даляраў.
У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць6
Каментары