Prezident Ukrainy Uładzimir Zialenski padpisaŭ šerah zakonaŭ, jakija tyčacca vajskovych spraŭ i mabilizacyi. Infarmacyja pra heta źjaviłasia na sajcie Viarchoŭnaj Rady.
Pavodle adnaho z hetych zakonaŭ, uzrost dla mabilizacyi va Ukrainie ciapier pamienšany z 27 da 25 hadoŭ. Zakonaprajekt byŭ inicyjavany Ministerstvam abarony, Rada prahałasavała za jaho jašče hod tamu.
Raniej maładyja ludzi va ŭzroście ad 18 da 27 hadoŭ ličylisia pryzyŭnikami i nie padlahali mabilizacyi. Jany mahli pryzyvacca tolki na terminovuju słužbu, ale pry vajennym stanoviščy pryzyŭ na terminovuju słužbu nie pravodzicca.
Zakon ab elektronnym kabiniecie vajennaabaviazanaha praduhledžvaje stvareńnie adzinaha elektronnaha rejestra vajennaabaviazanych. U rejestry budzie zachoŭvacca piersanalnaja infarmacyja ab pryzyŭnikach, vajennaabaviazanych i reziervistach, a taksama ich słužbovyja danyja.
Jašče adzin zakon admianiaje dla vajennaabaviazanych paniaćcie «abmiežavana prydatny». Jon praduhledžvaje tolki dva statusy — «prydatny» i «nieprydatny» da vajskovaj słužby. Mužčyny, jakija raniej byli pryznanyja «abmiežavana prydatnymi», pavinny ciaham 9 miesiacaŭ prajści paŭtorny miedycynski ahlad.
Ciapier čytajuć
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram9
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary