«Strašna padumać, što budzie paśla Hoda jakaści»: biełarusy śmiajucca z ajčynnych małatkoŭ, jakija razvalvajucca ŭ rukach
Mužčyna źniaŭ videa, jak sprabavaŭ u kramie vybrać małatok. Biełaruskija razvalvalisia prosta ŭ rukach, a kitajskija, jakija jašče i kaštavali tańniej, vyhladali nadziejniej. U kamientaryjach kuča žartaŭ.
Błohier, jaki padpisany ŭ tyktoku jak kindus9978, prademanstravaŭ palicu z nadpisam «Kuplajcie biełaruskaje», dzie lažali ajčynnyja małatki.
— Voś hladzicie: małatok, kaštuje 12,30. Žudasna hladzieć na jaho. Hladzicie, jakija zazory. Z čaho jaho rabili? Ja prosta rukoj zdymaju z rukajatki mietaličnuju častku.
Sapraŭdy bačna, što mužčyna robić heta lohka tryma palcami. Jon pakazaŭ, što krychu vyšej visiać kitajskija małatki, jakija vyhladajuć bolš nadziejna i kaštujuć 8,71 rubla.
— Voś što ja chutčej kuplu? Kitajski małatok ci hety… cud. Božački, nie viedaju navat, jak heta nazvać.
Za piać dzion videa nabrała bolš za 600 tysiač prahladaŭ i sotni žartlivych kamientaryjaŭ.
«Małatok nie kuplajecca ŭ kramie. Kuplajecca tolki ručka, a hałoŭka małatka pieradajecca ŭ spadčynu ad pradzieda ŭnuku».
«Takija małatki ja ŭ 1993 hodzie na ŭroku pracy rabiŭ, a nastaŭnik, mabyć, dahetul pradać nie moža».
«Ničoha vy nie razumiejecie. Heta ž dla dušy małatok. Kupiŭ, pryjšoŭ u haraž i potym tydzień jašče darablaješ sam».
«Ciapier vy razumiejecie, čamu «Džyli» kitajskaja? Naša była b, jak hetyja cudoŭnyja małatki».
«Heta letašnija małatki. U hetym hodzie vypuskajuć tolki jakasnyja».
Niechta chacieŭ pierakanać, što biełaruskija małatki ŭsio roŭna lepšyja za kitajskija: «U kitajskim buduć uvahnutaści ad ćvika», — ale atrymlivali ŭ adkaz ździeklivaje: «A ad našaha małatka ŭ iłbie».
Byli i tyja, chto sprabavaŭ abaraniać kali nie sami małatki, to chacia b Łukašenku, jakoha trolili Hodam jakaści: «Nu, chłopcy, ich ža robić nie kraina, nie ściah, nie hierb, nie prezident. Ich robiać našy siabry, susiedzi… Artykuł? Kryminalny kodeks RB?».
Jak tut nie zhadać prapahandysta Russia Today Kanstancina Prydybajłu, jaki aburyŭsia, kali «Naša Niva» napisała, što na łukašenkaŭskim čempijanacie pa kołcy droŭ toj karystaŭsia finskaj siakieraj zamiest biełaruskaj. «Zmahary napisali: «Čamu siakiery Fiskars?» Ja kažu: «A jakaja roźnica? Čamu patryjot pavinien vykarystoŭvać siakieru z łajna?» — zajaviŭ tady Kanstancin.
Čym Prydybajłu nie padabajucca ajčynnyja siakiery, jakija vyrablaje Viciebski zavod traktarnych zapčastak, jon tady nie rastłumačyŭ.
«Ekanomija pavinna być adekvatnaj». Biełarus padzialiŭsia, jak najlepiej aščadžać na bonusnych prahramach i źnižkach
«Heta niešta rodnaje, dušeŭnaje i blizkaje mnie». Apublikavali vyniki daśledavańnia, jak spažyŭcy staviacca da biełaruskamoŭnaj rekłamy
«Dyrektarka aburyłasia tym, što my pakleili biełaruskija špalery, a nie niamieckija». Baćki pra zbory na ramont u škołach
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary