Sport

U Rasii spračajucca, kim buduć ichnija tenisisty na Alimpijadzie — «bamžami» ci «zamiežnymi ahientami»

U Rasii razharełasia niečakanaja terminałahičnaja dyskusija pamiž miascovymi spartyŭnymi funkcyjanierami adnosna taho, jaki jarłyk paviesić na tych rasijskich tenisistaŭ, jakija pahodziacca na ŭmovy, vystaŭlenyja Mižnarodnym alimpijskim kamitetam, i pajeduć na Alimpijskija hulni ŭ Paryžy ŭ jakaści niejtralnych atletaŭ.

Zdymak ilustracyjny. Fota: Dmitrii Travnikov / vecteezy.com

Mižnarodny alimpijski kamitet raniej dazvoliŭ rasijskim i biełaruskim tenisistam, jak i inšym spartsmienam, vystupić na Alimpijadzie-2024 u Paryžy ŭ niejtralnym statusie pry vykanańni šerahu ŭmoŭ. Pra svajo žadańnie pajechać na hulni adrazu ž paśla taho zajaviŭ rasijski tenisist, eks-pieršy numar suśvietnaha rejtynhu Daniił Miadźviedzieŭ. Taksama na Alimpijadzie źbirajucca zhulać rasijanie Andrej Rubloŭ i Darja Kasatkina, jakija aktyŭna vystupajuć suprać vajny va Ukrainie.

Ale adnosna taho, ci pahadžacca na prapanavany rasijanam i biełarusam farmat udziełu, u rasijskaj spartyŭnaj i kalaspartyŭnaj supolnaści niama zhody. A kali jana jość u cełym, to źjaŭlajucca razychodžańni ŭ detalach.

Tak, viadomaja trenierka pa mastackaj himnastycy Iryna Vinier nazvała ŭsich spartsmienaŭ, jakija zachočuć pajechać na hulni ŭ niejtralnym statusie, «kamandaj bamžoŭ».

Ź joj nie pahadziŭsia kiraŭnik rasijskaha NAK Stanisłaŭ Paźniakoŭ, ale piarečańni ŭ jaho čysta terminałahičnyja.

«Chaču padkreślić, što padzialaju i padtrymlivaju pazicyju Iryny Alaksandraŭny, našy mierkavańni tut całkam supadajuć. Adzinaje, nie pahadžusia z vyznačeńniem «kamanda bamžoŭ» kankretna ŭ vypadku tenisistaŭ, jakija bolšuju častku času žyvuć za miažoj, tam ža zarablajuć, śćviardžajuć pry hetym, što «hulajuć za siabie», asudžajuć palityku svajoj krainy i SVA.

Tak što pravilniej, z majho punktu hledžańnia, — «kamanda inšaahientaŭ», dla jakoj dakładna nie ŭźniknie nijakich pieraškod pradstaŭlać na Alimpijadzie samich siabie», — napisaŭ Paźniakoŭ u svaim telehram-kanale.

Kryteryjam adboru na Alimpijadu na hety momant adpaviadajuć, darečy, i biełaruskija tenisistki Aryna Sabalenka i Viktoryja Azaranka. Ale ci vystupiać jany na hulniach, pakul nieviadoma. Taksama pakul biełaruskija čynoŭniki i prapahandysty nie atrymali admaški na dyskusiju adnosna taho, jak ich treba pravilna nazyvać. 

Kamientary

Ciapier čytajuć

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści

Usie naviny →
Usie naviny

U Minsku pradajecca kvatera z realna ŭnikalnym vidam z vanny8

Na MTZ pracujuć 142 zamiežniki z Burundzi, Konha, Kamieruna, Mali i Nihieryi15

Znoŭ da +30. Nadvorje na vychodnyja3

«Ja ŭžo raźvitvałasia z mužam, bajałasia bolš nie pabačycca». U biełaruski ŭ 26 hadoŭ zdaryŭsia insult13

Historyka, jaki pracavaŭ u vajenkamacie ŭ Mastach, asudzili pa cełym pakiecie palityčnych artykułaŭ3

Biełaruski samalot abstralała rasijskaja SPA, pryniaŭšy za ŭkrainski dron? Nie, heta niapraŭda2

Ratavalniki raskazali pra nastupstvy mocnaha vietru na Homielščynie

«Nie chacieli pakutavać ź biełaruskimi kartami na Booking». A ŭ vyniku ledź nie trapili na 400 jeŭra5

Tramp zajaviŭ, što vystupić z važnaj zajavaj nakont Rasii4

bolš čytanych navin
bolš łajkanych navin

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści

Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści

Hałoŭnaje
Usie naviny →

Zaŭvaha:

 

 

 

 

Zakryć Paviedamić