«Mnie prapanoŭvali za pačak cyharet ustupić u intymnuju suviaź ź inšym asudžanym»
Były palitviazień kandydat techničnych navuk Michaił Žamčužny ŭ novym vypusku TOK raskazaŭ, jak jaho pravakavali ŭ źniavoleńni, kab pieravieści ŭ «nizki status».
Michaił Žamčužny zaŭvažaje, što palitźniavolenyja nizkaha statusu vielmi na ruku dyktatarskamu režymu. Tamu stavicca zadača błatnym i kryminalnym aŭtarytetam spravakavać palitźniavolenaha da dziejańniaŭ, jakija pryviaduć da jaho pieravodu ŭ «nizki status».
«Mnie prapanoŭvali ŭ kałonii №9 [u Horkach] ustupić u intymnuju suviaź z maładym asudžanym za pačak cyharet. Ja byŭ vielmi ździŭleny, kažu: «Mianie ŭvohule bolš žančyny cikaviać. Tamu ja nie ŭjaŭlaju sabie niejkija vyčvareńni».
Žamčužny adznačyŭ, što viedaje vypadki, kali palitźniavolenych sprabavali źmiaścić u kamieru, dzie znachodziacca asudžanyja ź nizkim statusam. «U takich vypadkach, kali jon ab hetym daviedvajecca, pavinien pa paniaćciach «uskrycca», kab jaho vyvieli ŭ miedsančastku», — tłumačyć mužčyna i zhadvaje, što kali jaho sprabavali pamiaścić u takuju kamieru, jon skazaŭ, što nie budzie ŭskryvacca, i zajaviŭ:
«Ja nie schilny da suicydu. Ja ŭskryju hetych tavaryšaŭ, jakija znachodziacca ŭ kamiery».
Paśla takoj zajavy, jak havoryć Žamčužny, pravakacyi adnosna jaho z boku administracyi spynilisia.
Hladzicie całkam:
Čytajcie jašče:
Pravaabaroncy prosiać Łukašenku pamiłavać Michaiła Žamčužnaha
-
Pradstaŭnica Akademii navuk raskryła ŭzrovień naradžalnaści ŭ Biełarusi. Jon žachliva nizki
-
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka
-
«Viedajecie, jak kamientuje vaša zatrymańnie apazicyja? «Aryštavany pamahaty režymu». Turemnaja spoviedź lidara prafsajuzaŭ Jarašuka
Kamientary
p.s. I moje uvažienije hospodinu Profiessoru!