Čynoŭnica zaŭvažyła, što biełarusy jaduć zašmat miasa. U tyktoku joj adkazali
Namieśnica kiraŭnika Ministerstva antymanapolnaha rehulavańnia i handlu Nina Jemialjanava zaŭvažyła, što biełarusy ŭ hod u siarednim źjadajuć amal centnier miasa — 98-99 kh. Pry hetym rekamiendavanaja Minzdaroŭja hadavaja norma składaje 76 kh.
Biełarusy addajuć pieravahu miasu ptuški — 46% takoj pradukcyi było realizavana ŭnutry krainy, 28% adpravili na ekspart. A voś jałavičynu žychary našaj krainy abirajuć redka — 53% vyrablenaha miasa syšło na ekspart i tolki 2% pradali arhanizacyi handlu i hramadskaha charčavańnia.
U tyktoku pad navinami pra heta biełarusy aburajucca: z takimi cenami — i nie dziva. Harodnina i sadavina ŭ niesiezon darahija, ryba i jałavičyna — taksama.
«Miasa… A vy ceńnik bačyli na rybu i harodninu?» — aburajucca.
«A što jeści treba? Siomhu i farel? Tak u ludziej ZP takich niama».
«Ceny na harodninu, sadavinu, zielaninu, rybu z poźniaj zimy i da červienia miesiaca roŭnyja koštu kryła ad Boinha. Hetaj zimoj apielsiny — 7,99 rub., jabłyki — 4,99 rub., a listavaja sałata — 22 rub. za 1kh, rańniaja radyska — 8-9 rub.» — pieraličajuć u kamientarach.
«Siniaja kuryca tańniejšaja za farel i jaje na daŭžej chopić», — sumna žartujuć.
«Što tańniejšaje, toje i jamo!!!»
«U nas u Tałačynie jałavičyny ja nie bačyła, tolki farš sumnieŭnaj jakaści, a kuryca i ryba pa našaj zarpłacie. Chaj jana jeść tolki traŭku pad svaim akiencam, kali my šmat miasa jamo».
«Kali ŭ nas biełaruskija ahurki kaštujuć daražej za kuracinu… To tak — ahurki možna i za spažyvańnie miasa paličyć…» — fiłasofstvujuć.
Čytajcie taksama:
U kramach źjaviłasia kaŭbasa ad MAZa
Katalicki arcybiskup aficyjna dazvoliŭ viernikam jeści miasa na śviata 8 sakavika
-
«U 2020-m chtości prystaviŭ nož da horła kiroŭcy, a chtości puknuŭ». Lidar «Drazdoŭ» vielmi dziŭna pakajaŭsia za 2020 hod
-
Hurtu «Drazdy», jaki źbiraŭsia kidać scenu praz zabaronu vystupać u bujnych haradach, dazvolili abłasnyja centry. Ale nie Minsk
-
U Homieli zavočna asudzili Andreja Stryžaka, Alaksieja Lavončyka i Sašu Źvieravu
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški46
Kamientary