U centry Minska pradajecca «stalinka» z trochkutnaj prybiralniaj i hołymi cahlinami ŭ interjery
Na sajcie z abjavami ab prodažy nieruchomaści źjaviłasia niezvyčajnaja prapanova: na vulicy Kirava pradajuć cikavuju «stalinku». U kvatery niama bałkona, zatoje šeść voknaŭ, piša Blizko.by.
Dom pabudavany ŭ 1950 hodzie, a kvatera na trecim paviersie maje ahulnuju płošču 59,6 kvadratnaha mietra, u tym liku žyłuju — 40,3 kv. m.
U 2019 hodzie ŭ domie prajšoŭ kapramont, a ŭ 2023-m — u samoj kvatery, u styli łoft. Haspadar śćviardžaje, što pierapłaniroŭka ŭzakonienaja.
Na adnym z fota možna zaŭvažyć u kuchni zakładzieny dźviarny prajom z charakternym aračnym pierakryćciem. Mahčyma, raniej jakraz tut byŭ uvachod u kvateru.
Bałkonaŭ u kvatery niama, zatoje jość šeść voknaŭ, u tym liku vielmi vuzieńkaje akienca ŭ prybiralni ŭ vostrym kucie hetaha trochkutnaha pamiaškańnia.
Kvatera kaštuje 480.145 rubloŭ, abo prykładna 147.510 dalaraŭ. Heta značyć, adzin kvadratny mietr abydziecca ŭ 2.475 dalaraŭ.
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam6
Kamientary