Žurnalistka STB prapanavała hanarycca kłubam, jaki prajhraŭ 38 z 39 hulniaŭ
«Baskietbolnym «Minskam» treba hanarycca. Jany ž nie stajali ŭ Lizie VTB», — kaža Julija Silipickaja.
«Voś ja zaŭziatar našaha baskietbolnaha «Minska». Ale jak ich dalej padtrymlivać, kali jany ŭžo prajhrali 38 z 39 sustreč u pajadynkach Adzinaj lihi VTB», — spytali viadučuju prahramy «Sport-tajmier» na STB.
— Ale ž jany nie stajali! Jany hulali, zabivali, i hetym treba hanarycca. Viadoma, lohka lubić dobrych i paśpiachovych. A vy palubicie niahiehłych! Ja zaŭsiody budu padtrymlivać chłopcaŭ, tamu što jany zajmajucca sportam, iduć da pieramoh. I naša zadača jak zaŭziataraŭ — napaŭniać ich enierhijaj, niachaj jany sto razoŭ upaduć abo prajhrajuć. Ale ŭ stopieršy abaviazkova vyjhrajuć! Zaŭziatary pavinny vieryć u lubimuju kamandu. Bo viera zdolnaja rabić cudy», — skazała viadučaja STB
Baskietbolny kłub «Minsk» u turniry Adzinaja liha VTB (faktyčna, Adkryty čempijanat Rasii pa baskietbole z udziełam «Minska» i «Astany») u 39 hulniach vyjhraŭ tolki adnu hulniu, a 38 prajhraŭ, pryčym 34 pajadynki byli prajhranyja zapar. Heta absalutny antyrekord turniru.
U kamandy taksama najhoršaja roznaść zakinutych bałaŭ. Kłub zajmaje apošni, 14-y radok (vośmy na etapie dla najhoršych kamand) u turniry. Pryčym u «Astany», jakaja idzie na 13-m miescy, 12 pieramohaŭ.
Apošni svoj matč «Minsk» praviadzie zaŭtra suprać MBA (Maskva).
Kamientary