Mužčynu, jaki «napisaŭ u bot Budanava», abvinavačvajuć u padrychtoŭcy da ŭdziełu ŭ zamiežnym uzbrojenym farmavańni
Siłaviki zrabili spravazdaču ab zatrymańni biełarusa 28 sakavika.
38-hadovaha žychara Marjinaj Horki, jaki «źviazaŭsia z botam Budanava», abvinavačvajuć pavodle dvuch kryminalnych artykułaŭ, piša «Miedyjazona».
Mužčynu abvinavačvajuć u padrychtoŭcy da złačynstva (častka 1 artykuła 13 KK) i padrychtoŭcy da ŭdziełu va ŭzbrojenym farmavańni na terytoryi zamiežnaj dziaržavy (častka 1 artykuła 361-3 KK). Biełarusa ŭziali pad vartu.
Siłaviki zrabili spravazdaču ab zatrymańni biełarusa 28 sakavika. Na milicejskim videa mužčyna kaža, što «padtrymlivaje Ukrainu ŭ ich baraćbie suprać ruskich». Mužčyna kaža, što ŭ 2023 hodzie sprabavaŭ nielehalna pierajści miažu Biełarusi i Ukrainy, kab ustupić u USU «zabivać ruskich».
U 2024 hodzie jon napisaŭ u «bot Budanava» — havorka idzie pra Kiryła Budanava, načalnika Hałoŭnaha ŭpraŭleńnia raźviedki Ukrainy — kab znoŭ pierajści miažu. Pavodle jaho, jamu prapanavali «zładzić terakt» — padarvać administracyjny budynak abo čyhunačnaje pałatno.
«Tak jak vybuchovaha prystasavańnia ŭ mianie niama, jon skazaŭ, što zrobić zakładku i nazavie miesca. Karaciej, ja sc***kanuŭ, vydaliŭ tielehram i toj akaŭnt. Adnak sproby pierasiekčy miažu ja nie pakinuŭ», — kaža mužčyna.
Paśla hetaha jon «źviazaŭsia z polskaj ambasadaj» i prapanoŭvaŭ im dać kalidor, kab jon trapiŭ va Ukrainu. Jamu admovili, nieŭzabavie jon byŭ zatrymany.
U videa pakazana pierapiska z botam. U paviedamleńniach z «bota Budanava» vykarystoŭvajecca biełaruskaja litara «ŭ», jakoj niama va ŭkrainskim ałfavicie.
«V Biełarusi» ŭ paviedamleńniach napisana jak «v Bjiłorusjiji», chacia pravilnaj formaj budzie «u Biłorusi».
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj11
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary