Prezident Hiermanii pryjechaŭ u Turcyju ź miasam dla dzionier-kiebaba FOTAFAKT
Frank-Valter Štajnmajer pryziamliŭsia ŭ Stambule napiaredadni. Razam ź im u Turcyju prylacieŭ Aryf Kieles — uładalnik zakusačnaj u Bierlinie.
Jaho i jašče niekalkich čałaviek Štajnmajer uziaŭ u pajezdku jak pradstaŭnikoŭ niamiecka-tureckaj mihracyi, piša Bild.de.
Akramia taho, na borcie samalota Štajnmajera akazałasia 60 kiłahram miasa dla tureckaha dzionier-kiebaba. U čas uračystaha pryjomu ŭ letniaj rezidencyi pasła FRH prezident Hiermanii dapamahaŭ hatavać stravu.
Vizit Štajnmajera byŭ prymierkavany da 100-hodździa z dnia ŭstanaŭleńnia dypłamatyčnych adnosin pamiž Hiermanijaj i Turcyjaj.
Na siońniašni dzień u Niamieččynie pražyvaje kala troch miljonaŭ čałaviek tureckaha pachodžańnia. Pa słovach Štajnmajera, jany «dapamahajuć farmavać i farmujuć naša hramadstva». Rabočyja mihranty z Turcyi stali pryjazdžać u FRH, pačynajučy z 1960-ch hadoŭ.
Vizit u Turcyju — niaprostaje padarožža dla Štajnmajera. Sprava ŭ tym, što prezident Redžep Taip Erdahan apošnim časam pałochaje Zachad, apielujučy da bajevikoŭ CHAMAS. Tak, usiaho try dni tamu Erdahan pryniaŭ u Ankary kiraŭnika źniešniepalityčnaha viedamstva CHAMAS Ismaiła Chaniju i nazvaŭ terarystyčnuju arhanizacyju «hrupaj supracivu».
Padčas publičnaha vystupu Štajnmajera ŭ Turcyi niekalki dziasiatkaŭ čałaviek sprabavali sarvać jahonuju pramovu łozunhami z asudžeńniem Niamieččyny i Izraila. Niekatoryja ŭdzielniki akcyi trymali ŭ rukach fotazdymki, na jakich premjer-ministru Izraila Bińjaminu Nietańjachu i Štajnmajeru byli prymalavanyja vusy Adolfa Hitlera. Sam Erdahan u hety čas znachodziŭsia z aficyjnym vizitam u Iraku.
Ciapier čytajuć
Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku15
Kamientary