Sienat ZŠA prahałasavaŭ za vydzialeńnie dapamohi ŭ 61 miljard dalaraŭ Ukrainie
Bajden raniej abiacaŭ padpisać dakumient maksimalna chutka.
Sienat Kanhresa ZŠA ŭ aŭtorak pieravažnaj bolšaściu hałasoŭ prahałasavaŭ za pryniaćcie pakieta dapamohi Ukrainie, Izrailu i Tajvaniu ŭ pamiery 95,3 miljarda dalaraŭ (Ukraina pavinna atrymać 61 miljard), piša «Ukrainskaja praŭda».
Zakonaprajekt ab vydzialeńni finansavańnia sajuźnikam ZŠA nabraŭ 79 hałasoŭ «za». «Suprać» prahałasavała 17 sienataraŭ.
Takim čynam, abiedźvie pałaty amierykanskaha Kanhresa ŭchvalili zakonaprajekt.
Dla ŭstupleńnia ŭ siłu zakonaprajekt pavinien padpisać prezident ZŠA Džo Bajden, toj abiacaŭ jaho padpisać vielmi chutka.
Adrazu paśla taho, jak Sienat ZŠA zaćvierdziŭ šmatmiljardnyja asihnavańni na vajennuju dapamohu Ukrainie, Uładzimir Zialenski padziakavaŭ sienataram za hetaje rašeńnie.
«Heta hałasavańnie ŭmacoŭvaje rolu Amieryki jak majaka demakratyi i lidara volnaha śvietu», — havorycca ŭ zajavie Zialenskaha.
«Ja taksama šanuju padtrymku prezidenta Bajdena i ź nieciarpieńniem čakaju chutkaha padpisańnia zakonaprajekta i pieradačy nastupnaha pakieta vajennaj dapamohi […] Dalnabojnyja srodki Ukrainy, artyleryja i SPA — heta vielmi važnyja instrumienty najchutčejšaha adnaŭleńnia spraviadlivaha miru», — paviedamlałasia ŭ zajavie prezidenta Ukrainy.
20 krasavika Pałata pradstaŭnikoŭ ZŠA prahałasavała za zakonaprajekt ab zamiežnaj dapamozie dla Ukrainy.
Taksama ŭ subotu bolšaściu hałasoŭ pryniaty zakonaprajekt, jaki ŭklučaje pałažeńnie ab kanfiskacyi suvierennych aktyvaŭ Rasii na karyść Ukrainy, uklučajučy «zabaronu na razmarozku suvierennych rasiejskich aktyvaŭ», «paŭnamoctvy dla zabieśpiačeńnia kampiensacyi Ukrainie z vykarystańniem zachoplenych rasijskich aktyvaŭ» i «vykarystańnie aktyvaŭ dla adnaŭleńnia Ukrainy».
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki7
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary