Rasijskaja armija raźvivaje nastup u Danieckaj vobłaści. Ukrainskija vajskoŭcy adčajna sprabujuć stabilizavać front
Paśla praryvu frontu ŭ Danieckaj vobłaści rasijskija vojski zachapili jašče adno siało — Novabachmutaŭka.
Tym časam ukrainskija vajskoŭcy adčajna sprabujuć stabilizavać front. Pavodle infarmacyi analitykaŭ prajektu Deep State, atrymoŭvajecca ŭ ich heta tolki častkova, piša Bild.
Ciapier, jak miarkuje vajenny ahladalnik Bild Juljan Ropkie, hałoŭnaja nadzieja dla ŭkrainskaj armii — heta pastupleńnie novaha ŭzbrajeńnia, u tym liku bojeprypasaŭ dla zachodniaj vysokadakładnaj zbroi.
Na videazapisach, zroblenych u Polščy, bačna, jak dziasiatki bronietransparcioraŭ «Bredli» čakajuć na stajancy pieravozki praź miažu.
Paśla rašeńnia ab nadańni dapamohi Kijevu ŭ Kanhresie ZŠA Ukraina stała vykarystoŭvać značna bolš rakiet M30 dla źniščeńnia rasijskich sistem załpavaha ahniu i zienitnych sistem na adlehłaści da 80 kiłamietraŭ za linijaj frontu. Chutčej za ŭsio, heta śviedčyć ab tym, što USU abiacany sotni novych rakiet u bližejšyja niekalki dzion.
Paralelna z hetym ukrainskaje vojska nanosić masiravanyja ŭdary pa rasijskaj naftavaj pramysłovaści. Asabliva paciarpieła Smalenskaja vobłaść, dzie paśla ataki dronaŭ zaharełasia naftabaza «Rasnafty» i pompavaja stancyja.
Jašče adzin ukrainski BPŁA ŭrezaŭsia ŭ naftabazu ŭ Varoniežskaj vobłaści. Akramia taho, paciarpieŭ traktarny zavod u Lipiecku, jaki vyrablaje važnyja kamplektujučyja dla vajennaj braniatechniki VS RF.
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški37
Kamientary